MEN DEME…

Alla Taǵala Hazireti Musa (oǵan Allanyń sálemi bolsyn) paıǵambarǵa:

 – Ibilisti kórgende odan bir nárse úıren, deıdi. Musa paıǵambarda bir kúni ibilisti (Allanyń laǵyneti bolsyn) kórgende,

 – Maǵan bir nárse úıret, deıdi. Sonda Ibilis,

– Eshýaqytta «men» deme, men sekildi bolarsyń, dep ketipti.la joq

Iá, «men» degen sóz tákapparlyqtyń belgisi deıdi izgiler. Sebebi shaıtannyń qurdymǵa ketýine osy tákapparlyq sebep bolǵan. Tákapparlyq – ózin basqalardan joǵary dep sanaý.

Tákapparlyq shaıtanǵa: «Men Adamnan artyqpyn», – dep aıtqyzǵan. Sóıtip shaıtandy Uly Jaratýshynyń ámirin mensinbeýge ıtermelep, máńgilik laǵynetke ushyratqan eken.

Tákapparlyq – adamǵa aqıqatty qabyldaýǵa kedergi jasaıtyn rýhanı dert. Allanyń ardaqty Elshisi (oǵan Allanyń ıgiligi men sálemi bolsyn) tákapparlyqtyń barlyq túrine qatań tyıym salyp, ondaılar Allanyń azabyna laıyq bolatyndyǵyn eskertedi. Kúshti, qýatty adam qarapaıym, kishipeıildi bolady, al álsiz adam tákappar bolyp keledi.

«Shynynda Alla árbir tákáppar, menmenderdi unatpaıdy» (Luqman súresi, 18-aıat).

«Tákapparlyqtan saq bolyńdar! Rasynda Ibilis Adamǵa tákapparlyqtan sájde qylmaǵan bolatyn» deıdi ardaqty paıǵambarymyz.

 Daıyndaǵan – Turar TÚGELULY