Kúnámizdiń kesirinen aıyrylatyn 8 nyǵmet
Adam balasy nápsige jeńilip, ımanynyń kúsh-qýatyn joǵaltqan kezde kúná isteýge beıim keledi. Sondaı-aq, ózin qoldap-qolpashtap turatyn kórkem minezder azaıǵan saıyn rýhanı kemeldilikten alystaı bastaıdy. Istıqamat, ıaǵnı árqashan týralyqta bolýda álsizdik tanytady. Osynyń nátıjesinde kúnáli ister sıqyrly áýen sekildi nápsini ózine baýrap alyp, aqyrettegi jaýapkershilikti umyttyrady. Ardaqty elshi (s.ǵ.s.): «Adam balasy bir kúná istegende júregine qara daq túsedi. Eger ol kúnáni tárk etip, Alladan keshirim surap, táýbe etse júregi tazarady. Al, kúná isteýdi odan ary jalǵastyra beretin bolsa, qara daqtar kóbeıe túsip, sońynda búkil júregin qara daq basyp qalady» Alla Taǵala: «Joq! Áste, olaı emes! Olardyń óz qoldarymen istegen kúnálary júrekterin ábden qaraıtyp, totyqtyryp tastaǵan (sondyqtan olar aqıqatty kóre almaýda)»,- deı otyryp, osyny meńzegen», - dep aıtqan.
Bilimdi joq etedi
Bilim – Alla Taǵala bergen nyǵmetterdiń eń qundysy bolyp tabylady, kúná iske aıaq basqan adam osy nyǵmetten maqrum qalmaq. Birde ilgeridegi izgilerdiń biri este saqtaý qabiletiniń nasharlaǵanyn aıtyp shaǵymdanady. Sonda ımam kúnáli isterdi tastaýyna keńes beredi. Sebebi bilim – Allanyń nury, al Onyń nury kúnáharlarǵa berilmeıdi.
Rızyqty kemitedi
Taqýalyq bereke ákeledi ári rızyqty arttyrady. Taqýalyqty tárk etý rızyqtyń kemýine aparady. Kedeılikke aparar birden bir jol – Allanyń ámirine qulaq aspaı, shalys basý.
Jaratýshydan alystatady
Adam balasynyń jasaǵan árbir kúnási júregine qara daq bolyp túsedi. Qashan júregi tolyqtaı qap-qara bolǵan kezde ol adam taqýalyq pen boısunǵyshtyq qasıetinen ada bolǵan kúıe Jaratýshydan jyraqta qalady.
Deneni álsiretedi
Kúnáli isterdiń rýhymyzǵa beretin áseri belgili, Jaratýshydan jyraqtaý adam balasynyń kez kelgen nyǵmetinen maqrum qaldyrady eken, sonyń ishinde densaýlyqqa da zııanyn tıgizbeı qoımaıdy. Densaýlyqty deni saý adamdardyń ústindegi atlasqa teńesek, onyń qadirin tek aýyrǵandar biledi...
Kúná kóbeıgende bereke qashady
Biriniń artynan biri jasalǵan kúnálar Allanyń meıirimin joq etip, ómirimizden berekeni alyp qoıady. Kúnáǵa belshesinen batqan adamnyń ómiri sátsizdikter men taýqymetterge tolyp ketedi.
Bir kúná – myń kúnáǵa esik ashady
Eger adam Alla taǵala tıym salǵan kúnáli isti istep, artynsha táýbe etpeıtin bolsa, onda ol kúnáli is bul adam úshin úırenshikti ári bolmashy ǵana nársege aınalady. Osylaısha, birte-birte ol adam Allanyń salǵan tıymdaryna da nemquraıly qaraıtyn bolady da amaldary ádetke aınalyp, táýbe etý degen túsinik sanasynan múlde óship ketedi.
Allanyń raqymy
Kúná jasaǵan adamnyń aırylatyn eń úlken nyǵmeti – Allanyń raqymy. Alla Taǵala adamzatty Ózine ǵana boısunyp, Ózine ǵana qulshylyq jasaý úshin jaratqan. Kúná jasap, artynsha táýbesine kelgen adamdy Alla qalasa, raqymymen keshiredi. Alaıda, únemi kúnáli is jasap, ony ar sanamaıtyn adam Jaratýshynyń jaqsylyǵynan, raqymynan maqrum qalatyny anyq.
Qulshylyqtan alystaıdy
Adam balasynyń tańdaýynda eki jol bar: biri Haq Taǵalaǵa boısunyp, qulshylyq qylý ári kúnáli is istep qoıǵan jaǵdaıda táýbege kelý bolsa, ekinshisi nápsińniń jetegimen júrip, qalaǵanyńdy júzege asyrý. Qulshylyqtan alystaý – Alladan alystaý degen sóz. Endeshe, namazdy qaza qylýdy ádetke aınaldyrmaǵan jón.
Alla adamdarǵa sansyz nyǵmet bergen. Bulardyń eń úlkenderiniń biri – nyǵmettiń qadirin bilý nyǵmeti. Allanyń adamǵa bergen eń úlken nyǵmeti – ıman nyǵmeti. Munyń shúkirshiligi – Oǵan qarsy kelmeý. Ár nyǵmetke sol nyǵmettiń túrimen shúkirshilik etý – nyǵmet qadirin bilýdiń belgisi.
