«Káhf» súresindegi matematıkalyq dáldik

Alla sóziniń qasıeti ár ǵasyrda, ár ýaqytta ashyla bereri aqıqat. Taıaýda ǵalymdar Qurandy ǵylymı jaǵynan zertteı kele myna bir tańǵajaıyp dúnıeni shyǵardy.

Qurannyń dál ortasynda keletin «Káhf» súresinde zulym patshadan qashyp, bir Allaǵa degen senimderin qorǵap, úńgirde Allanyń ámirimen úsh júz jyl jáne toǵyz aı uıqyǵa ketip, pana tapqan Allanyń aqıqı quldary jóninde baıandalady. 

Sol súreniń 12-aıatynda «lábısý» (bolý, qalý, kidirip qalý) sózinen bastap ár sózdi sanasa, 25-aıatta «sálásá mıá» (úsh júz) degen sózge kelgende, týra 300 sóz bolady. Al, 26-aıatta «lábısý» (bolý, qalý, kidirip qalý) sózine kelgende úńgir oqıǵasy aıaqtalyp, týra 309 sóz bolady. Iaǵnı, olar uıqyǵa ketken 300 jyl jáne toǵyz aıdyń esebi shyǵady. Sonymen birge budan buryn ǵalymdar matematıkalyq eseppen týra 300 jyl shyǵý úshin 9 aıdyń da qajet ekenin anyqtaǵan. 300 jyl - shamsııa kúntizbesine, 309 jyl - qamarııa kúntizbesine sáıkes keletindigen kóz jetkizgen.

Aıattardaǵy osynshama matematıkalyq dáldik Paıǵambarymyz Muhammed Mustafaǵa (s.ǵ.s.) túsken Quranda bolýy Allanyń qudiretin odan ary pash ete túspek.

Osyndaıda, Alla sóziniń kún saıyn dáleldenip jatqan keremetterine qaıran qalyp, Jaratqanǵa shúkir etkennen basqa sharamyz joq.

Qýat Qabdolda