ISMAILIIa AǴYMY
Ismaılııa – shııttik baǵyttaǵy úlken aǵymdardyń biri. Bul aǵymnyń kózqarasy boıynsha Jaǵfar Sadyqtan keıin ımamdyq onyń uly Ismaılǵa ótken. Ismaıl Jaǵfar Sadyqtan keıingi jetinshi ımam sanalady. Sondyqtan bul aǵymdy keıde «jetinshiler» dep te ataıdy.
Islam álemine hýrafalar (shyndyqqa janaspaıtyn, oıdan shyǵarylǵan áńgimeler) men ısraılııat (ıahýdılik habarlar) uǵymdaryn eńgizip, ózderiniń kózqarastaryn úgittep, keıde úgit-nasıhattaryn anarhııalyq jolmen jáne terrorlyq is-árekettermen júzege asyrady. Tipti esirtki men mafııalyq buzǵynshylardy, onymen qosa áıelderdi de óz maqsattaryna paıdalanady. Ismaılııa aǵymy Alla Taǵalanyń jalǵyz ekendigin, Muhammed (oǵan Alla Taǵalanyń salaýaty men sálemi bolsyn) paıǵambar ekendigin moıyndaıdy, alaıda Haziret Álıdi Paıǵambardyń tikeleı murageri degen pikirdi qoldaıdy. Ózderiniń ıslammen uıyspaıtyn pikirlerin halyqqa qabyldatý úshin Haziret Álı men Áhli báıttin (Paıǵambar áýleti) bedelin paıdalanady. Osy túsinik olardyń senim negizderiniń biri sanalady.
Ismaılııa aǵymynyń ókilderi kúnine úsh ret namaz oqıdy. Juma namazyn oqymaıdy. Zeketti óz basshylaryna beredi. Biraq sýnnıttik joldaǵy musylmandar sekildi ramazan aıynyń orazasyn ustap, qajylyq ǵıbadatyn óteıdi. Ismaılııa aǵymy ımandy tek óz ımamdaryna moıynsunsa ǵana qabyldaıdy. Imamdy qabyldamasa, onda ol adamnyń árbir adal isi de aram sanalady. Olar ıslam úkimderin qabyldaǵanymen, is júzinde ony oryndaýǵa asa mán bermeıdi. Rýhanı jáne saıası jetekshileri namaz oqymaıdy. Ismaılııa aǵymynyń kózqarastary boıynsha Alla Taǵala qalaýy túsken ımamdaryna ózinen bir bólek nur bergen. Imamdardy sol ılahı nurmen halyqtan ústem etedi. Ol ústemdik olardyń bilimimen ólshenedi.
Sondaı-aq ımamnyń tanymal bolýy shart emes. Imamnyń árbir isinde jaqsylyqtyń bolatyndyǵyna senýi kerek. Olardyń keıbireýleri ımamnyń kúnásiz bolatyndyǵyna kepildik beredi. Imamǵa moıynsuný ýájip sanap, Imam Mahdı áıteýir bir ýaqytta jer betine oralyp zulymdyqpen kúresip, ádilettilikti ornatady deıdi. Búgindi tańda Ismaılııa aǵymynyń pikirleri Azııa, Eýropa jáne Afrıkanyń kóptegen memleketterine taralǵan. Ártúrli sharalarmen óz pikirlerin taratýdy júzege asyrǵan Ismaılııa aǵymynyń pikirleri Orta Azııada qanat jaıyp keledi.
QMDB Dinı ońaltý bólimi
