ISLAM QOǴAMYNDAǴY BÚLIKShIL TOP
قَالَ النَّبِيُّ صَلَّى اللهُ عَلَيْهِ وَسَلَّمَ: تَفْتَرِقُ أُمَّتِي عَلَى بِضْعٍ وَسَبْعِينَ فِرْقَةً أَعْظَمُهَا فِتْنَةً عَلَى أُمَّتِي قَوْمٌ يَقِيسُونَ الْأُمُورَ بِرَأْيِهِمْ فَيُحِلُّونَ الْحَرَامَ وَيُحَرِّمُونَ الْحَلَالَ. (ك)
Paıǵambarymyz (s.a.ý.) bylaı deıdi: “Úmmetim jetpisten astam jikke bólinedi. Bulardan úmmetim úshin búligi eń úlkeni, dinı úkimderde óz pikirimen qııas jasap, haramdy halal, halaldy haram esepteıtinder”. (Hakım, ál-Mústádrak)
Ábý Saıd ál-Hýdrı (r.a.) Paıǵambarymyzdyń (s.a.ý.) bylaı degenin rıýaıat etken:
“Ýa, múminder! Bolashaqta musylmandardyń arasynda sondaı top paıda bolady, (dinı jetekshi sanalatyn) sol (nadan, ekijúzdi)lerdiń oqyǵan namazynan óz namazdaryńdy, olardyń orazalary janynda óz orazalaryńdy, olardyń ǵıbadattary qasynda óz ǵıbadattaryńdy bolmashy kóresińder. Olar Quran da oqıdy. Biraq Qurannyń bereketi olardyń alqymynan ári ótpeıdi. Olar jebeniń birdeńeni tesip ótkeni tárizdi, dinnen shyǵady”.
Bul hadıs Quran kárimdi rııa men nadandyq arqyly óz jaman nıeti úshin ıakı zulymdyq, búlik, kesirge paıdalanýshylardyń kúnásin aıqyndap kórsetýde.
Hýzáıfá ıbn Iáman (r.a.) aıtqan:
“Bári Paıǵambarymyzdan bolashaq jaıly qaıyrly nárseler suraıtyn. Al men Islam úmmetiniń basyna keletin jamandyq, búlikterdi suraıtynmyn. Bir joly bylaı dedim:
“Ýa, Rasýlalla! Biz musylmandar kezinde jahılıat zamanynda shırk pen zulymdyqqa berilgenbiz. Sosyn Alla Taǵala sizdi bizge paıǵambar etip jiberdi. Ózińiz myqtaǵan osy qaıyr men baqyttan keıin jamandyq, búlinshilik zamany kele me?”
“Iá, keledi. Ol kezde neshe túrli bireýler shyǵady, nadandyqpen, erekshe yqylaspen halyqty jalǵanǵa shaqyrady. Kimde-kim olardyń sońynan erse, ony jahannamǵa, báleketke ala ketedi” dedi. (Sahıh Býharı jáne Múslim)
Paıǵambarymyz (s.a.ý.) basqa bir hadısinde bylaı deıdi: “Shynynda úmmetim adasýshylyq-buzyqtyq ústine jıylmaıdy. Eger alaýyzdyq baıqalsa, Sáýad aǵzam (Áhl-ı súnnet ýál-jamaǵat)nan aırylmańdar, myqtap ustańdar”. (Súnán ıbn Maja)
