ISLAM DINI – ULY DIN, MUSYLMANDY ULYQTAIDY

قَالَ رَسُولُ اللهِ صَلَّى اللهُ عَلَيْهِ وَسَلَّمَ: لَيْسَ الْغِنَى عَنْ كَثْرَةِ الْعَرَضِ وَلٰكِنَّ الْغِنَى غِنَى النَّفْسِ. (ق)

Paıǵambarymyz (s.a.ý) bylaı degen: «(Shynaıy) baılyq mal-múlkiniń kóptigi emes. (Shynaıy) baılyq – tek qana kóńiliniń baılyǵy». (Mýttáfáqýn aláıh)

Iran elin Omar (r.a.) kezinde jeńip aldy. Jánnatpen súıinshilegen sahaba Saǵd Ábý Ýaqqas (r.a.) basqarǵan ıslam jasaǵy, sol ýaqytqa deıin kóptegen elderdi Islam nurymen qaýyshtyrdy. 

Omar (r.a.) Qadısııa jasaǵyn jınaǵan Saǵd ıbn Ýaqqasqa (r.a.): «Dushpandardy úlken sanama, Allaǵa táýekel et. Aldymen júrekti, epti jáne zerek kisilerden birnesheýin olarǵa elshi retinde jiber. Irandyqtardy Islamǵa shaqyrsyn» - deıdi. Saǵd (r.a.) bir top kisini elshi etip Kısraǵa jiberdi. (M-635)

Elshilerdiń janynda, qylyshtarynan basqa qymbatty zat joq edi. Iran bıleýshisi Iazdejirt elshilerdiń áshekeı buıymdary joq bolǵanyn kórip, olardy mensinbeı bylaı deıdi: «Men ómirimde sender sııaqty sorly bir jamaǵatty kórmedim! Sender, bizge aıanyshty túrde baǵynýshy edińiz. Ad qazir sońǵy qaýipti bolǵan bir qııalǵa battyńyz ba? Bul batyldyǵyzǵa ne sebep?».

Sol kezde Islam elshilerinen Áshas ıbn Qaıs (r.a.) bylaı dep jaýap berdi: «Eı bıleýshi! Aıtqanyńyz durys. Biz bir zamandar aıtqanyńyzdan beter bir jaǵdaıda ómir súrdik. Biraq Alla taǵala qaıyrymdylyq kórsetip, bizge uly bir paıǵambar jiberdi. Biz sol uly paıǵambar arqasynda nadandyqtan, janjal men óshpendilikten qutyldyq. Dushpandyǵymyz baýyrlastyqqa, qaıyrshy kúıimiz baqytqa aılandy. Qazir basqa ulttar da, osy ıláhı nurǵa qaýyshýyn tileımiz. Qysqasy sizdi dinimizge shaqyramyz. Eger qabyl etpeseńiz soǵysqa daıyn bolyńyz, basqa amal joq».