IMAN ETPEGENDERDIŃ AQYRY
Alla Taǵala Hýd súresiniń 110 jáne 111-shi aıattarynda Paıǵambaryn (s.a.ý.) jubata, Mýsa aleıhıssálamnyń qaýymy da oǵan qarsy shyǵyp, shúbámen qaraǵandaryn mysal retinde baıandaıdy. Bylaı tápsirlengen:
Ant eteıin, Mýsaǵa da Kitap berdik, oǵan da senbedi. Iaǵnı, ýaıymdama, ýa, Muhammed! Jalǵyz saǵan jáne saǵan berilgen Quranǵa ǵana qarsy bolǵan joq. Perǵaýyndy jeńgen Mýsaǵa da Kitap berilgende úmmeti bánı ısraıl oǵan qarsy shyqty. Rasynda Mýsaǵa Táýrat Perǵaýyn men qoldaýshylary sýǵa ketkennen jáne bánı ısraıl qutylǵannan keıin berilgen edi. Demek, bánı ısraıl Táýrattan buryn jańaǵylardy bastan ótkergen jáne Mýsanyń bıligin moıyndaǵannan keıin de, Táýrat túskende bári birden ımanǵa kele salmaǵan. Ony Allanyń bergenine daýlasqan, bireýi ıman etken, al biri etpegen. Al saǵan áýeli Kitap berildi, endeshe jibergen Quranymyz jaıynda qaýymyńnyń arasynnan “Bir kómbe (qazyna) tússe ǵoı nemese birge bir perishte kelse ǵoı! Ony óziń oıdan shyǵarǵansyń” dep, qarsy shyǵyp, alaýyzdyq tanytqandarǵa mán berme. Eger Rabbyńnan ajal taǵdyr bolmaǵanda, dereý qaýymyńnan qarsy bolǵandardy osy qazir-aq úkimin shyǵaryp, oryndap, sharýasyn bitirer edik.
Hýd súresiniń 15 jáne 16-shy aıattarynda ıman etpegender jaıly bylaı deıdi -maǵynasy- “Kimde-kim (istegen ıgi isteri arqyly) osy dúnıe men onyń sán-saltanatyn ǵana qalasa, olarǵa dúnıede istegeniń qarymyn tolyq qaıtaramyz. Bul dúnıede olardyń enshileri kemitilmeıdi. Alaıda, aqırette olarǵa tozaq otynan basqa esh nárse buıyrmaıdy. Olardyń jalǵan dúnıede istegen búkil isteri, tipti, jaqsylaryna deıin dúnıede qalyp, aqıret turǵysynan zaıa ketti, istegen barlyq isteri túkke turǵysyz bolyp qaldy”. Olar osy aıatta kúıi men aqyry baıan bolǵan jáne tek dúnıelik ómir men sonyń raqatyn sońynan qýǵan kór soqyrlarǵa jatady. Olar dúnıeden buıyrǵanyn alady jáne keıin aqyrette búkil amaldarynyń jalǵan ekenin kórip, istegeniniń jazasyn tartady. Óıtkeni ol Rabbysy olardyń ne istegenderin biledi. Eshbirin jazasyz qaldyrmaıdy.
