ǴULAMANYŃ JAÝABY

Bir qalyń ormanda, óte aqyldy ǵulama ómir súripti, kóptegen adamdar izdep baryp, aqyl keńes alyp suqbattasyp qaıtady eken. Alaıda úlkeıe kele, kóp sóılemeıtin, únemi oı ústinde otyratyn jaǵdaıǵa jetipti.

Kelgen adamdar, kóńilderindegi suraǵyn qoıyp, saǵattar boıy jaýabyn kútip, shydamy taýsylǵasyn ketip qalady. Sondaı kúnderdiń birinde, qolynda aýyr júgi bar, bir kisi kelip, ormanǵa jaqyn mańdaǵy qalalardyń birine barar jol surapty. Ǵulama ornynan atyp turyp

 — Myna jolǵa túsip alasyzda, aldyńyzdan jol aıyryǵy shyqqansha júrip otyrasyz, sodan oń jaqtaǵy jolmen júreseńiz kishkene ózenge tirelesiz, sol ózendi jaǵalaı kópirge jetkenshe shyǵysqa júre beresiz, Sol kópirden ótseńiz ar jaǵynda qala kórinip tur. Al meniń shákirtim, qol júgińizdi kóterisýge kómektesedi— dep egjeı tegjeıli túsindiripti. Jolaýshy rahmetin aıtyp ǵulamanyń shákirtine erip kete beripti. Birazdan soń qaıtyp kelgen shákirti:

— Ustaz siz durys ómirlik máni bar suraqtarǵa jaýap bermeı, úndemeı otyratyn edińiz al biraq, jańaǵy qarapaıym jol suraǵan jolaýshyǵa, jaýap berip, anyqtap túsindirgenińizge jol bolsyn, nege? dep surapty.

Sonda Ǵulama:

— Maǵan kelýshilerdiń kóbisi jandaryna ne kerek ekenin ózderi de bilmeıdi.  Ómirdiń máni nede? dep ózderiniń ómiriniń mánin, menen suraıdy, Baqyt degen ne? oǵan barar joldy suraıdy. Men kórsetken Mán men Baqyt oǵan úıleseme joqpa onymen sharýasy joq. Sondaı ózderine ne keregin bilmeı júrgen jandarǵa jaýap bere jalyqtym, al jańaǵy jolaýshy ózine kerek nárseni ǵana surady, aldyna sol qalaǵa jetem dep maqsat qoıǵan, men tek soǵan jeter joldy ǵana kórsettim—degen eken.

Maqsat qoıyp, sonyń jolyna shyqqan ekensiń" Anaý ne?, mynaý nege bylaı?,

Osylaı bolý kerek pe?" degen jaýaby joq suraqtarǵa alańdamaı alǵa júre ber.

Ómir seniki. Maqsat seniki, Oǵan keter Ýaqyt seniki.

M. Kenjebaev. Beıneý.