ǴALAMNYŃ ÚILESIMI - JÚREKTER ARASYNDAǴY MEIIRIMNEN BASTALADY...

Ǵalam - kózge kórinbeıtin myń san jippen órilgen birtutas taǵdyrlar álemi.

Bul dúnıede eshbir júrek bir-birine múlde jat emes. Biriniń únsiz kúrsinisi ekinshisiniń janyn terbep, biriniń kóz jasy tutas bir álemniń tynyshtyǵyn buzýy múmkin.

Sondyqtan eshkimniń kóńiline qaıaý túsirme.

Júrekti jaralaý ońaı, al onyń jazylýyna keıde ǵumyr da jetpeıdi.

Búgin óziń elemegen jannyń erteń qandaı taǵdyr ıesi bolaryn, búgin óziń muqatqan álsizdiń erteń qandaı bıikke kóterilerin bilmeısiń.

Eshkimdi dármensizdigine qarap baǵalama.

 Óıtkeni ár adamnyń boıynda ózi de áli tanyp úlgermegen bir tylsym kúsh, bir qaıtalanbas qasıet bar.

Bir júrektiń muńy myń júrekke jetip, álemniń tynysyn taryltýy múmkin.

Al bir jannyń shynaıy qýanyshy aınalasyna shýaq shashyp, talaı kóńilge úmit syılaıdy.

Endeshe, bir-birimizge aýyrlyq emes, jeńildik bolaıyq.

Jara emes, jubanysh syılaıyq.

 Óıtkeni Ǵalamnyń úılesimi — júrekter arasyndaǵy meıirimnen bastalady... (Sháms Tábrızı)

 

Aýdarǵan: Saltanat TEMIRBAIQYZY

 

QOSYMShA:

Sháms Tábrızı (shamamen 1185–1248) — XIII ǵasyrda ómir súrgen sopylyq mıstık, oıshyl ári dervısh.

Ol uly aqyn ári sopy Jáláláddın Rýmıdiń rýhanı ustazy ári jan dúnıesine úlken ózgeris ákelgen tulǵa.

1244 jyly Sháms pen Rýmı kezdesken. Bul kezdesý Rýmıdiń ómirin túbegeıli ózgertken. Rýmı buryn bilimdi ǵalym bolsa, Shámspen tanysqannan keıin mahabbat, rýhanııat, Allaǵa degen súıispenshilik týraly tereń jyrlar jaza bastaǵan.

Sháms Rýmıge ne úıretti?

Aqıqatty syrttan emes, óz júregińnen izdeýdi.

Rýhanı mahabbattyń mánin túsinýdi.

Óz nápsińmen kúresýdi.

Bilim men júrek danalyǵynyń aıyrmashylyǵyn sezinýdi.

Allaǵa degen súıispenshilikti tereńdetýdi.

Ekeýiniń baılanysy qandaı bolǵan?

Olardyń dostyǵy — rýhanı tarıhtaǵy erekshe baılanystardyń biri. Rýmı Shámsti jaı ǵana ustaz emes, óziniń jan dúnıesin oıatqan rýhanı kún retinde qabyldaǵan.

Sondyqtan Rýmıdiń shyǵarmalarynda Sháms beınesi Kúnniń, jaryqtyń, aqıqattyń sımvolyna aınalǵan.