Esikti úsh ret qaǵýdyń syry

Bir kúni Ábý Musa ál-Áshǵarı haziret Omardyń úıine keledi. Tabaldyryqqa jaqyn kelip, esikti úsh ret qaǵady. Ishten «kir» degen daýys estimegen soń, kelgen izimen keri qaıtady. Omar (r.a.) sharýasyn bitirgen soń «Abdýllah ıbn Qaıstyń daýsyn qulaǵym shalǵandaı boldy, ruqsat etińder, ishke kirsin», – deıdi.

Qasyndaǵylar onyń qaıtyp ketkenin aıtady. Haziret Omar (r.a.) artynan adam jiberip, Ábý Musany shaqyrtyp alady da, «Nege kútpediń?» – dep suraıdy. Sonda Ábý Musa (r.a.) turyp: «Rasýlalla bizge: «Bir jerge kirmek bolsańdar, aldymen esikti úsh ret qaǵyp ruqsat surańdar, eger ruqsat berilmese, keri qaıtyńdar», – degen edi» – deıdi.

Haziret Omar: «Men bul aıtqanyńdy estimeppin, buǵan kýáń bar ma?» – dep suraıdy. Ábý Musa (r.a.) Paıǵambar meshitine kelip, mán-jaıdy sol jerde jınalǵan sahabalarǵa baıandaıdy. Úbáı ıbn Kaǵyb: «Muny naqtylaý úshin jasy úlkenderdi jiberip áýreleýdiń qajeti joq, óıtkeni muny jastardyń ózi jaqsy biledi», – dep kýálikke Ábý Saıd ál-Hudrıdi Omarǵa (r.a.) jiberedi.

Omar (r.a.) mán-jaıdyń anyq-qanyǵyna kóz jetkizgen soń: «Men saǵan kiná artaıyn degen nıetten aýlaqpyn. Bar oıym kez kelgen bireýdiń «Rasýlalla aıtqan» dep ótirik qaýeset taratýynan qaýiptenemin», – deıdi.