Eń abzal duǵa
Eń senimdi hadıs kitaptarynda kezdesetin bul duǵany bizge ataqty sahaba Abdýlla ıbn Omar (r.a.) jetkizgen. Ol Alla elshisiniń (s.ǵ.s.) bul duǵany mindetti túrde, kún saıyn tańerteń jáne keshke úzbeı oqyǵanyn aıtady. Sonymen qatar, Ánás ıbn Málıkten (r.a.) jetken bir hadıste sahabalardyń biri: «Eń abzal duǵa qandaı?» − dep suraǵanda, Paıǵambarymyz (s.ǵ.s.) oǵan: «Alladan dúnıede jáne aqyrette keshirim men esendik suraǵan duǵa», − dep jaýap bergen. Álgi adam osy suraǵyn úsh ret qaıtalap surasa da, Paıǵambarymyz (s.ǵ.s.) osy jaýabyn qaıtalaǵan. Sóıtip, sóziniń sońynda: «Dúnıede jáne aqyrette kúnálaryń keshirilip, esendik berilse, naǵyz baqytqa bólengeniń» − degen.
Oqylýy:
Lá ılááhá ıllallahý ýallahý ákbar, lá ılááhá ıllallahý ýahdáhý, lá ılááhá ıllallahý lá shárııká láhý, lá ılááhá ıllallahý láhýl- mýlký ýá láhýl-hamdý, lá ılááhá ıllallahý ýá lá haýlá ýá lá qýýátá ıllá bılláhı.
Allahýmmá ınnı ás'álýkál ‘afııatá fıd- dúnıá ýál-ááhıra.
Allahýmmá ınnı ás'álýká ál‘afýa ýál-‘afııatá fı dıını ýá dúnıáıá ýá áhlı ýá máálı.
Allahýmmá-stýr ‘aýraatı ýá áámın raý‘atı.
Allahýmma-hfaznı mın báını ıádáııá ýá mın halfı ýá ‘an ıámıını ýá ‘an shımáálı ýá mın fáýqı ýá á‘ýýzý bı‘azamátıká án ýǵtáálá mın tahtı.
Maǵynasy:
Alladan basqa táńir joq, Alla – uly. Alladan basqa táńir joq, Ol – jalǵyz. Alladan basqa táńir joq, Onyń eshbir serigi de joq. Alladan basqa táńir joq, bar madaq pen bar bılik Allaǵa tıesili. Alladan basqa táńir joq, bar kúsh te, qýat ta bir Allaǵa tán.
Ýa, Allam, bir Ózińnen dúnıede jáne aqyrette esendik tileımin!
Ýa, Allam, bir Ózińnen dinime, dúnıedegi tirshiligime, otbasyma jáne mal-múlkime keshirim men esendik tileımin!
Ýa, Allam, kemshilikterimdi jasyra gór jáne barlyq qorqynyshtarymdy seıilte gór!
Ýa, Allam, meni aldymnan, artymnan, ońymnan, solymnan ári tóbemnen tónetin barlyq qaýip-qaterlerden qorǵaı gór! Sondaı-aq, aıaq astynan opasyzdyqqa ushyraýdan bir Óziń saqtaı gór!
Osyǵan baılanysty Tırmızıdiń «Sýnán» atty hadıs jınaǵyndaǵy bir hadıste haziret Abbas (r.a.) óziniń qartaıyp, ajalynyń jaqyndaǵanyn aıtyp, Paıǵambarymyzdan (s.ǵ.s.) Alla Taǵalanyń quzyrynda saýaby mol bolǵan bir duǵa úıretýin qaıta-qaıta ótinedi. Sonda Paıǵambarymyz (s.ǵ.s.) oǵan: «Alladan dúnıede jáne aqyrette esendik tile», − degen. Sondaı-aq, atalmysh eńbekte Ánás ıbn Málık (r.a.) jetkizgen basqa bir hadıste Paıǵambarymyz (s.ǵ.s.) sahabalaryna: «Azan men qamat arasynda oqylǵan duǵa keri qaıtarylmaıdy», − degende, sahabalar: «Sol ýaqytta ne dep duǵa eteıik?» − dep suraıdy. Sonda paıǵambarymyz (.ǵ.s.) olarǵa: «Alladan dúnıede jáne aqyrette esendik tileńder», − dep jaýap beredi.
