EKI JAQSY QASIET: BIIaZYLYQ PEN BAISALDYLYQ

Bir kúni Rasýlýllah (s.a.ý.) sahabalarymen suqbatasyp otyryp aıtady: “Birazdan keıin myna jaqtan bir top keledi, olar óz elderiniń qaıyrlylary”.

Omar (r.a.) ornynan turyp solaı qaraı júredi. Jolda kólikti 13 kisige kezigedi. “Sender kimsińder?” dep suraıdy, “(Bahreınnen) Abdúlkaıs taıpasynanbyz” deıdi. “Bul jaqqa ne maqsatpen keldińder, saýdamen júrsińder me?” deıdi. “Joq” dep jaýap beredi. Sosyn Omar (r.a.): “Paıǵambarymyz (s.a.ý.) jańa ǵana sender jaıly jaqsy sóz aıtty” deıdi. Sonan soń solarmen birge Paıǵambarymyz (s.a.ý.) otyrǵan jerge jaqyndaǵanda “Áne, izdegen kisileriń, anaý otyr” dep, Paıǵambarymyzdy nusqaıdy.

Sonda jańaǵy top kólikterinen apyr-topyr túsip, bireýi asyǵa adymdap, biri júgire basyp, endi biri empeńdeı júgirip Paıǵambarymyzdyń (s.a.ý.) quzyryna jetýge jarysady. Rasýlallanyń (s.a.ý.) múbárak qolyn alyp súıedi. Tek qaýymnyń basshysy Áshás ıbn Múnzır (r.a.) artta qalady. Ol kóliginen túsedi, ony shóktiredi, zattaryn tııanaqtaı jıyp, ústi-basyn retke keltirgen soń (baısaldy) adymdarmen Paıǵambarymyzdyń (s.a.ý.) aldyna barady. Múbárak qolyn alyp súıedi.

Paıǵambarymyz (s.a.ý.) Ásháske bylaı deıdi: “Sóz joq, seniń boıyńdaǵy eki qasıetti Alla men Rasýly jaqsy kóredi. Olar bııazylyq (jumsaq minez) jáne baısaldylyq (salmaqty bolý)”.

Áshás: “Ýa, Rasýlýllah! Bular boıyma keıin juqqan minez be, álde jaralǵan tabıǵatymnan ba?” dep suraıdy.

Paıǵambyrymyz (s.a.ý.) “Jaratylysyńnan” deıdi. Sonda Áshás: “Meni ózine jáne Rasýlyna unaıtyn qasıetpen jaratqan Alla Taǵalaǵa madaq” deıdi.