DOSTYQTYŃ KEIBIR MÁSELELERI
![](/img/articles/7fb5179a9cf7044736f68411c743ab90.jpg)
Aqyl-oıy durys, taqýa, ǵalym, adamgershiligi mol, jaqsy tárbıe alǵan adammen dostyq qarym-qatynas ornatýy kerek.
Qatelik jasaǵanyńda saǵan eskertetin, durys aqyl-oıyn aıtyp kómektesetin, jol silteıtin, ishi-syrtyna jarasatyn adammen dostasý kerek.
Jaman adammen dos bolma. Jaman adam ýly jylan sııaqty. Mundaı adamdar senimen jeke basynyń qamy úshin ǵana dos bolady.
Bireýmen dostaspas buryn onyń adamgershilik qasıetterine qaraý kerek. Buny eń senimdi joly - onyń ashýlanǵan kezde ne isteıtini. Ashýlanǵan kezde ádil bolmaǵan adamnyń dostyǵyna senýge bolmaıdy.
Luqpan Hakim balasyna bylaı dep nasıhat aıtady: «Ýa, ulym! Ashýlanǵanda saǵan ádil bolǵan kisimen dostas. Áıtpese, ony tasta».
Eń jaǵymsyz minez – ózi opasyz bol tura, basqa bireýden shynaıylyq kútý jáne rııamen jasaǵan amaly úshin saýap kútý. Opasyz adammen dostasyp, seni baǵalaı almaǵan adamǵa jaqsylyq jasaýdyń paıda joq. Amal jasalmaǵan bilimde qaıyr bolmaıtyny sııaqty, opasyz dostyqta da qaıyr joq.
Naǵyz dostyq eshqandaı paıda kútpeı, bolmashy sebeptermen buzylmaıtyn dostyq. Tabıǵın Iýnýs ıbn Ýbaıdtyń (r.a.) basyna bir qıynshylyq keldi. Odan jaqyn dosy Ibn Aýf habar alyp almaǵanyn suraǵanda: «Senimde bir dosymyzdyń bizden habar almaýy dostyǵymyzǵa kedergi bolmaıdy» - dep jaýap beredi.
Adam óz baýyrlaryna qıyndyq týdyrmaýy kerek. Eger mundaı jaǵdaı týyndasa, onyń sheshimin izdeýi qajet. Buny kishkene másele dep qaramaı kerek. Óıtkeni kishkentaı bolyp kórinetin nárse jınalyp, úlken mashaqat bolyp ketý múmkin.