DINIMIZDE ULTShYLDYQ BAR MA?

Din ıslamda barlyq adam teń. Allanyń aldynda artyqshylyq tek taqýalyqta. Islam tarıhynda buǵan qatysty Ábý Zar ál-Gıffarı men Bılal Habashıdyń arasynda oryn alǵan myna oqıǵany keltirsek bolady.

Sahabalardyń biri Ábý Zardy jáne onyń qyzmetshisi Rıbazany kóredi. Ekeýiniń ústinde birdeı kıim edi. Tańyrqaýyn jasyra almaı: «Qojaıyn men qulynyń birdeı kıim kıgeni nesi?» dep munyn sebebin suraıdy. Sonda Ábý Zar bolǵan jaıdy baıandady: «Bir kisimen janjaldasyp qaldyq. Men onyń anasynyń qara násildi bolǵandyǵyn betine bastym. Paıǵambar (s.ǵ.s.) bul jaǵdaıdy estip:

«Áı, Ábý Zar! Ony anasyna qatysty mazaq qylǵan ekensin. Demek, sende áli de jahılııat dáýiriniń belgisi bar. Baýyryń (qyzmetshi) Allanyń senderge bergen nyǵmetterinin biri. Kimniń janynda qyzmetshisi bolsa, oǵan jaqsy qarasyn, ózi jegendi oǵan da bersin, ózi kıgendi oǵan da kıdirsin. Olarǵa kúshi jetpeıtin aýyr mindet júktemeńder. Aýyr mindet júktegen jaǵdaıda , járdem berińder» –dep aıtty deıdi (Buharı, Múslim).

  Dinimizde rýhanı tolqý bola ma?

Paıǵambardyń «jahılııat» dep otyrǵany ıslamnan buryńǵy kezeń. Bul ýaqytta qoǵamda shyqqan tek jáne taıpamen maqtanyp, kúshti-álsizge, dáýletti-kedeıge álimjettik jasaıtyn ýaqyt bolǵan. Islam kelip mundaı ólshemderge shekteý qoıdy.

Ýásılá ıbn Asqaǵtyń rıýaıatyna sáıkes mynadaı hadıs bar: «Men paıǵambardan (s.ǵ.s.): «Ýa, Allanyń Elshisi! Ultshyldyq degen ne?», – dep suradym. Allanyń Elshisi (s.ǵ.s.): «Qaýymyńa zulymdyq jolynda járdem etýiń», – dep aıtty» (Ábý Dáýit).

Islam adamdy túsine, násiline nemese shyǵý tegi men jynysyna, áleýmettik jaǵdaıyna qarap bólmeıdi. Allanyń aldynda bulardyń barlyǵy teń. Adam bir-birinen jasaǵan izgi amaly men kórkem minezi jáne qulshylyq pen taqýalyǵy arqyly erekshelenýi múmkin. Din ıslam qoǵamda ómir súrip jatqan azamattardy bólinýshilikke emes kerisinshe, birlik pen yntymaqqa shaqyrady.

Jalǵas SADÝAHASULY