DINDES BAÝYR
![](/img/articles/9095991f35f63c7951336a0e42361bf9.jpg)
Paıǵambarymyz (s.a.ý.) bylaı degen: «Múmın baýyrlaryń kóp bolsyn. Óıtkeni qııamet kúni (kámil, salıh) ár múmın shapaǵat etedi».
Qıyn kezde kómek qolyn sozatyn, túrli jaǵdaıda qasyńda bolatyn kisilermen dostasý kerek.
Áýlıe ári hadıs ǵalymy Muhammed ıbn Ýası (rah.) bylaı deıdi: «Dúnıede ómir súrý úshin úsh sebep bar:
1. Jamaǵatpen namaz. Jamaǵatpen oqyǵan namaz saýabyna ıe bolasyń ári namazda bir qate jibergen bolsań keshiriledi.
2. Qanaǵatpen ómir súrý. Basqa adamdarǵa aýyrtpashylyǵyń túspeıdi. Esebi de jeńil bolady.
3. Din baýyry. Otbasy men týǵan-týystan basqa kómekshiń degeni.
Abdýllah ıbn Másǵýd (r.a.) dostaryna kelgende: «Sender meniń muńyma tarqatatyn », – deıtin edi. Dindes baýyrymen áńgimelesýden artyq qýanysh ta, baqyt ta joq. Olardyń joqtyǵynan aýyr nárse joq. Qaıǵyny azaıtyp, muńdy seıiltýge eń úlken kómek – Alla taǵalanyń qalaýyna rızalyq tanytý jáne dindes baýyrlarymen sóılesý. Dindes baýyrlardyń eń jaqsysy, seni qorǵap, qoldap, kishkene qatelik jibergen kezde seni birden aıyptamaıtyn baýyryń. Sebebi dostyń minezi dosynyń minezine uqsaıdy. Dosyna keshirimmen, túsinistikpen qaraý kerek. Qyzǵanysh – jaman aýrý, ol aradaǵy súıispenshilikti buzady.
Adam dosyna júk bolýdan da aýlaq bolýy kerek. Baýyrlastyqtyń maqsaty tek dastarhan basynda bas qosyp, iship-jeý emes. Qıyndyqqa dýshar bolǵan din baýyryna kómektesý, bir nárse surasa múmkindiginshe berý naǵyz bostyqtyń belgisi. Qıynshylyqta seni oılamaıtyn, molshylyqta qýanyshyńdy bólispegen adamnyń dostyǵynyń qadiri joq.