Din degenimiz - adaldyq

Sahaba Támım ád-Dárı (r.a.) rıýaıat etken hadıste:

الدين النصيحة, قالوا: لمن يا رسول الله؟ قال: لله, و لكتابه, و لرسوله, و لأئمّة المسلمين, و عامّتهم

Paıǵambarymyz (s.ǵ.s.): «Din – nasıhat» degende sahabalar: «Ýa, Alla elshisi! Kim úshin?» - dep surady. Paıǵambar (s.ǵ.s.): «Alla Taǵala, Onyń kitaby, Onyń elshisi, musylman basshylary jáne jalpy musylmandar úshin», - dep jaýap bergen [Mýslım]».

Osy hadıstegi «nasıhat» sóziniń  taǵy bir  maǵynasy «shyn kóńildilik» dep te aýdarylady. Arabtarda qoqymnan, uıashyqtan tazartylǵan baldy da saftaı taza bolǵan úshin «nasıhat» dep ataıdy.  Saftaı tazalyq - adaldyq degen uǵymdy da bildiredi.

Sondyqtan, joǵarydaǵy hadısten din degenimiz – adaldyq. Iaǵnı, Allanyń, Allanyń Kitabynyń, Paıǵambarymyzdyń (s.ǵ.s), musylman basshylardyń, musylmandardyń aldyndaǵy adaldyq dep te túsingenimiz durys.

Qazaq úshin de adam men adal degen egiz uǵym. Adaldyǵyńdy joǵaltsań, adamdyǵyńdy joǵaltqanyń. Atam qazaq bireýge nalysa, «Adam bolmaıdy eken» dep jatady. Adam bolý - mansap, baılyq, ataqpen ólshenbeıdi. Adam bolý - adaldyqpen ólshenedi. Bul ómirge adam bolyp kelgen soń, adam bolyp ketýimiz kerek! Jaratýshy Iemiz laıym sony buıyrǵaı!

Qýat Qabdolda