DASTARHANǴA, ShAŃYRAQQA, ÚI IESINE BATA-TILEKTER
Bata – qazaqtyń erteden kele jatqan ulttyq dástúrleriniń biri. Bata, tilek aq dastarhan basynda, túrli toılarda, jaqsylyqtarda aıtylady.
Bata bererde árkim «Iá, qudaıym», «Iá, Alla», «Iá, jaratqan» sekildi baǵyshtaý sózderin ár batanyń aldynan qosyp aıtýǵa erikti.
Ýa, jaratqan ıem qudiret
Tilegimdi qabyl et!
Imanymdy kámil et!
Asqa bata
Dastarhanyńa bereke bersin,
Bastaryńa mereke bersin,
Astaryńa adaldyq bersin,
Bastaryńa amandyq bersin,
Denderińe saýlyq bersin!
Áýmın!
***
Ashyp tastap peıildi
Dastarhanyń jaıyldy.
Qasıetti nan ulyq
Berekeń tur naq uıyp.
Asyl sózder shashyldy,
Bar abyroı baq ornap
El syılasyn basyńdy.
Ańyz bolyp otaýyń
Aıta júrsin asyńdy.
Súıgen jaryń,
Bala-shaǵań aman bop,
Bútindesin asyldy.
Nıetińe biz toıdyq.
Rahmet sháıińa,
Rıza etken bir qoılyq!
***
Úı ıesine beriletin bata
Jas balanyń kúlkisin ber,
Jas ananyń uıqysyn ber.
Jomarttyń qolyn ber,
Jorytqannyń jolyn ber.
Qyzdyń qylyǵyn ber,
Sýdyń tunyǵyn ber,
Asaýdyń arynyn ber,
Túngi ottyń jaryǵyn ber.
Asqar taýdyń pańdyǵyn ber,
Bulbul qustyń tańǵy únin ber.
Dalanyń jazyqtyǵyn ber,
Gúldiń náziktigin ber.
Teńizdiń tereńdigin ber,
Qyrannyń kóregendigin ber.
Erdiń kóńilin ber,
Búrkittiń jigerin ber.
Lashynnyń júregin ber,
Naǵyz dostyń tilegin ber.
Máńgi-baqı ajyramas,
Shyn ǵashyqtyń tilegin ber!
Áýmın!
***
Ardaqty úıdiń ıesi,
Áýeli berdiń shaı,
Kóńiliń bolsyn jaı.
Ekinshi berdiń et,
Tappasyn kóńiliń
Eshbir dert!
Úshinshi berdiń sorpa,
Bolmasyn baǵyń orta!
Eki dúnıeniń ıgiligine jetkizsin,
Esirkep súıgen pendesinen etkizsin!
***
Alla jarylqasyn,
Kimdi jarylqasa,
Sonyń jaǵynda qalsyn!
Jamannyń aldynda qalsyn!
Jortqanda jolyń bolsyn,
Adassań, Alla jolǵa salyp júrsin,
Súrindirtpeı alyp júrsin,
Myń san bále, qaýip qaterden qaǵyp júrsin!
***
Ýa, Jaratqan – Qudiret!
Mal-jandaryn aman et,
Basyna ber zor baqyt.
Asyńa ber bereket,
Ǵumyr-jasyn uzaq et.
Urpaqtaryn asyl et,
Kásibin adal kásip et,
Bále-jaladan aýlaq qyp,
Tattyrma esh qasiret,
Dúnıeniń bar jaqsylyǵyn
Dál osy otaýǵa násip et!
***
Bizge tartqan basyńyz,
Dámdi eken asyńyz.
Urpaqtar bop ózgeshe,
Syıly bolsyn basyńyz!
Domalasyn órge tasyńyz,
Imandy bolyp tasyńyz.
Kóre almaýshy, kertartpa
Qum qapsyn dushpan –qasyńyz,
Júzge jetsin jasyńyz,
Elge syıly qart bolyp,
Jánnatqa qadam basyńyz!
Quıǵan qyzyl sháıińiz,
Baldaı tátti maıyńyz,
Eseli bop eńbegiń,
Imandy bop baıyńyz!
***
Dáýletińdi tastyrsyn,
Sáýletińdi astyrsyn,
Aqsaqalyń kelgende
Aq dastarhan jaıylyp,
Adal as pen bas tursyn!
Til men kózden aman bop,
Túlep ushsyn jas qyrshyn –
Baısaldy týǵan balańdy
Baıtaǵyna bas qylsyn!
Adaldan jıǵan malyńdy
Alty atańa as qylsyn!
Jaqsymenen dos qylsyn,
Jamanmenen qas qylsyn,
Imanyńdy ras qylsyn!
Qaraýdy qara tas qylsyn,
Sarańnyń kóńilin pás qylsyn!
Bul úıge qastyq qylǵandy
Táńirim qara bastyrsyn!
***
Astyrsyn, tastyrsyn,
Jaqsylarmen janastyrsyn,
Jamandardan adastyrsyn,
Ottyń basy aman bolsyn,
Beıbitshilik zaman bolsyn,
Balalaryń azamat adam bolsyn,
Jaýyń jeńilip qaban bolsyn!
***
Dastarhanyń toq bolsyn,
Ýaıym-qaıǵy joq bolsyn!
Jardy bolsań jasyma,
Baı bolsań, tasyma!
Baq-dáýlet bersin basyńa,
Ǵumyr bersin jasyńa.
Bále-jala, jyn-shaıtan,
Jolamasyn qasyńa!
Imannyń baılyǵyn bersin,
Qut-berekeniń bári kelsin!
***
Basyńa Alla baq bersin,
Ne berse de naq bersin,
Bilim naqyl aıtýǵa
Jalyqpaıtyn jaq bersin!
Aıtyp júrer bilimniń
Is-amalmen shaq kelsin!
Bereke-qut pen yrysty
Úılerińe ap kelsin!
Qara nıetti jaýyńa
Báleketi tap kelsin!
Arman nıetke jetkizip,
Tileýińdi ap bersin!
Mal-jan aman toq bolsyn,
Qaıǵy-qasiret joq bolsyn!
Dastarhanyń aq bolsyn,
Shańyraqqa baq qonsyn!
Balalaryń kóp bolsyn,
Tamaǵy toq, kıimi kók bolsyn,
Imany myǵym bek bolsyn,
Sózi týra dóp bolsyn!
***
Haq qarasyn,
Baq darysyn.
Dastarhanǵa bereke bersin,
Elge dáýlet-mereke bersin.
Shyqqannyń esesin bersin,
Qalǵannyń berekesin bersin,
Keń peıil bersin,
Uzaq ómir bersin,
Ot aınala bas bersin,
Óris toly mal bersin.
Mal berse, qaıyryn bereketimen bersin,
Bas berse, azyq-nesibesimen bersin!
***
Aqylyńdy astyrsyn,
Yqylasyńdy tastyrsyn,
Balań úbirli bolsyn,
Qyzyń shúbirli bolsyn!
Jaqyn kóp bolsyn,
Jaýyń joq bolsyn!
Jaqsy kelsin qasyńa,
Nur jaýsyn áziz basyńa!
Kóshiń kólikti bolsyn,
Qonysyń túlikti bolsyn,
Qatýlyqtan aýlaq bol,
Tatýlyqqa jaqyn bol!
Dáýreniń ımanmen sándi bolsyn,
Ǵumyryń bilimmen mándi bolsyn!
***
Dastarhanǵa bata
Áýmın deseń berdim bata
Qabyl etip bir Allah
Baq-dáýlet, bereket
Úıińizge uıalasyn.
Jaratqan Iem aman qylsyn
Bizge bergen sháıińiz -
Jaqsy bolsyn jáıińiz.
Bizge bergen etińiz -
Qabyl bolsyn nıetińiz.
Maqsatyńa jetińiz,
Bizge bergen tuz-dámińiz
Taýsylmaıtyn nesibe bolyp,
Aman-saý bolaıyq bárimiz.
Áýmın, Allahý ákbar!
***
Iá, jaratqan qudiret,
Mal-bastaryn aman et,
Basyna ber baqyt,
Asyna ber bereket,
Ómir-jasyn uzaq et,
Mıhnattan aman et,
Dushpanynyń kúnin jaman et,
Urpaqtaryn asyl et,
Dúnıedegi jaqsylyqty,
Dál osy úıge násip et
Áýmın.
***
Qudaıym osynaý úıge dýa bersin,
Til-aýzyn dushpannyń býa bersin.
Kelinniń balaǵynan bala saýlap,
Salpy erin sary uldar týa bersin.
***
Asyń, asyń, asyńa,
Bereke bersin basyńa!
Bódenedeı jorǵalap,
Qyrǵaýyldaı qorǵalap,
Qydyr kelsin qasyńa!
Senen baılyq ótpesin,
Táńiri bergen berekeń
Tepkilese ketpesin.
Jelińniń eki shetine,
Taı shaptyrsa jetpesin!
***
Keshke kelip jamyrasqan,
Shýyldasyp mańyrasqan,
Qoshaqannyń anasy,
Salyq bassyn úıińdi!
Baqaılary syrtyldap,
Múıizderi jyltyldap,
Buzaýlardyń anasy
Sıyr bassyn úıińdi.
Shýdalaryn shań basqan,
Artqy órkeshin qom basqan,
Botaqannyń anasy
Ingen bassyn úıińdi!
Shińgir-shińgir kisinesken,
Súıistikpen ıiskesken,
Qulynshaqtyń anasy
Bıe bassyn úıińdi.
***
Bereıin bata asyńa,
Amandyq bersin basyńa.
Bódenedeı jorǵalap,
Qydyr kelsin qasyńa,
Bar ekem dep tasyma,
Joq ekem dep jasyma.
Eńbek etseń erinbeı,
Dáýlet keler qasyńa.
Kóre almaǵan dushpannyń,
Jýa bitsin jolyna.
Baqytyń jetsin tótelep,
Dúnıe maldy jetelep,
Aýzyma túsken batanyń
Jatyrmyn bárin túgendep!
Kóterdik mine bilekti,
Aqtardym túgel tilekti,
Mynaý turǵan balańyz,
Batyr bolsyn júrekti.
***
Aýmın deseń maǵan,
Qudaı bersin saǵan.
Altynnan – jaǵań,
Kúmisten – taǵań.
Oń jaǵyńnan ketpesin
Kúrpildek qara sabań.
Jortsań jolyń bolsyn,
Joldasyń qydyr bolsyn.
Tileýiń qabyl,
Muratyń asyl bolsyn.
Ishkeniń qymyz,
Jegeniń syrbaz,
Kıgeniń túlki bolsyn,
Júrgen jeriń oıyn-kúlki bolsyn!
***
Qozyǵa tolsyn kógeniń,
Tulpar bolsyn kógeniń.
Qutty bolsyn quryǵyń,
Sútti bolsyn qudyǵyń.
Qııaqty bolsyn suńqaryń,
Tuıaqty bolsyn tulparyń.
Óristi bolsyn jaılaýyń,
Yrysty bolsyn qystaýyń.
Arystandaı bolsyn aıbatyń,
Aıýdaı bolsyn qaıratyń.
Gúlge tolsyn óńiriń,
Kóńildi ótsin ómiriń.
Asqa tolsyn tabaǵyń,
Ashyq bolsyn qabaǵyń.
***
Shaıyń qyzyl bolsyn,
Ǵumyryń uzyn bolsyn.
Nesibeń tasa bersin,
Dushpanyń qasha bersin,
Qudaıym uzaq ǵumyr jaza bersin!
***
Peıilińe qonaqjaı
Bata berem qolyń jaı:
Aq jarylǵan júregiń,
Qabyl bolsyn tilegiń.
Bizge soıdyń semiz taı,
Tórt túligiń bolsyn saı.
Ósip-ónip urpaǵyń,
Tórt qıyrǵa qanat jaı!
Bizge soıdyń qulyn,
Jaqsydan bolsyn juǵym.
Ómirińdi uzartyp,
Ózińnen óte týsyn ulyń.
Bizge soıdyń marqany,
Aldyńnan tarqat arqany.
Syıly bolyp elińe,
Sybaǵańdy al taǵy.
Bizge soıdyń qoı,
Úıińnen ketpesin toı.
Qyzyǵyna qanyp,
Ishpeı-jemeı toı.
Bizge soıdyń toqtyny,
Elińniń bul toqtyǵy.
Abyroı alyp ul-qyzyń,
Bıik bolsyn shoqtyǵy.
***
Bizge astyń bas,
Bersin saǵan uzaq jas.
Aýyzdyqtap asaýdy,
Asýdan asýǵa as!
Bizge astyń jambas,
Jaqsymen bol jandas.
Yqylasyń qabyl bop,
Yrysyń tolmaı qalmas.
Bizge astyń sybaǵa,
Jamandyq kórme sirá da.
Qııanat qylma pendege,
Jaǵamyn deseń qudaǵa.
Bizge astyń qazy,
Boldyq sizge razy.
Aq maı aqsyn aýzyńnan,
Úzilmeı qoryń qysy-jazy.
Bizge astyń jaıany,
Ómirdiń bolsyn baıany.
Bolsań da tóldiń jylqysy,
Jurtyńnyń bolma saıaǵy.
Bizge astyń jal,
Basyńa bitsin dúnıe-mal.
Ata-anańdy ardaqtap,
Aıaq-qolyn jyly sýǵa mal.
Bizge astyń omyrtqa,
Pále-jalaǵa jolyqpa.
Órisiń barda órge shap,
Óz-ózińnen toryqpa.
Bizge astyń shujyq,
Kórgeniń bolsyn qyzyq.
Aqqý-qazdaı mamyrla,
Aıdynyńda júzip.
Bizge astyń jaýyryn,
Balanyń bersin táýirin.
Izet kórip iniden,
Úzilmesin saýyǵyń.
Bizge astyń súbe,
Qyrsyǵyń jerge ensin túge!
Kúndegendi kúńirentip,
Kúnnen-kúnge úde.
Bizge astyń tós,
Úrim-butaǵyńmen ós!
Jaılanyp qon,
Jazylyp kósh!
***
Bizge astyń jilikti,
Ul-qyzyń bolsyn bilikti,
Bizge astyń beldeme,
Syıly bol basqa elge de.
Bizge astyń kesek et,
Dáýletiń tassyn eselep.
Syılap berdiń etińdi,
Jarylqasyn betińdi.
Endi ákeldiń sorpańdy,
Oryndatsyn qolqańdy.
Keldi taǵy qymyzyń,
Arylmasyn qyzyǵyń.
Qoıdyń qaımaq, aıranyń,
Aman bolsyn aýyl-aımaǵyń.
Jazdyń jaıma, baýyrsaq,
Bola bersin qaýym shat.
Jáne keldi qurt-maıyń,
Týa bersin qutty aıyń.
Raqmet dámińe,
Rızalyq bersin bárińe.
Aman bolyp basyńyz,
Júzge jetsin jasyńyz.
***
Maǵan japtyń shapan,
Kóńilde bolmasyn qapań.
Maǵan mingizdiń at,
Qyz uzatyp, qyzyǵyna bat!
Maǵan atadyń jol,
Ul ósirip máre-sáre bol!
Maǵan berdiń et,
Kelin túsirip, tilegenińe jet!
Maǵan berdiń saýǵa,
Basyń túspesin daýǵa!
Aldyma saldyń mal,
Alladan raqmet al!
***
Et – Sizden,
Yqylas, nıet bizden.
Tileýi aqty táńirim
Muratyna jetkizgen.
Jaqsy-jamandy kórip baq.
Bar men joqqa kónip baq.
Ashy-túshyny tatyp kór,
Taıyz-tereńdi batyp kór!
El basyna túsken syndy,
Túz keship, tún qatyp kór.
Jıyndy topqa túskende,
Júırigiń baptaýly bolsyn,
Jigitiń maqtaýly bolsyn.
Jortýyl, joryq jolyqsa,
Naızań saptaýly bolsyn.
Nókeriń saqtaýly bolsyn.
Dastarhanyń toq bolsyn,
Ýaıym-qaıǵy joq bolsyn.
Aman saqtap,
Abyroı bersin!
Jorytqanda jolyń bolsyn!
***
Shańyraq shalqı bersin.
Keregeń keńı bersin.
Osy úıge án-kúı kelsin,
Dushpanyń kemı bersin.
Dastarhanǵa bereke bersin.
Kúnde mereke bolsyn.
Qastyq oılaǵandar,
Qabaǵy ashylmaı keleke bolsyn.
Áýmın
***
Áýeli qudaı ońdasyn,
Arýaqtaryń qoldasyn.
Baqyt pen dáýlet, bas pen mal,
Basyńa máńgi ornasyn.
Tórt qubylań saı bolsyn,
Saǵan qastyq oılaǵan
Ǵumyrynda ońbasyn.
Aqyldy bol, arly bol,
Baqytty bol, maldy bol,
Qataryńnyń aldy bol!
Áýmın
***
Berekemiz qashpasyn,
Belimizdi eshkim baspasyn,
Adal jan bolyp astasyń,
Aryńdy kúldeı shashpasyn.
Baqyt bolsa bastasyń,
Meımanyń, sirá, taspasyn,
Tirlikte túzý jol tapsań,
Táńirim berer basqasyn.
Áýmın
***
Áýeli qudaı esen et,
Jırenshedeı sheshen et,
Atymtaıdaı kósem et,
Luqpandaı beregen et.
Ibrahımniń basyn bersin,
Súleımenniń taqytyn bersin.
Qydyr qusy qonsyn basyńa.
Jortqanda jolyń bolsyn,
Joldasyń qydyr bolsyn.
Joǵary bolsyn juldyzyń,
Baqytty bolsyn ul-qyzyń.
As ıesi baıysyn,
Bar oılaǵan armanyń,
Jaqsylyqqa saıysyn.
Áýmın
***
Qazan-oshaǵyń maı bolsyn.
Tórt túligiń saı bolsyn.
Kóńiliń tolyp jaı bolsyn.
Ulyń qonyp qııaǵa,
Qyzyń qonyp qııaǵa,
Keliniń bıbi atanyp,
Ulyń bolsyn bı aǵa.
Bergennen Alla tanbasyn,
Kóbeıe bersin mal basyń,
Óse bersin jan basyń,
Armanyń kókke samǵasyn.
Dosyńnan kóńiliń qalmasyn,
Jaǵańnan dushpan almasyn,
Jolyń bolyp jortqanda,
Jolyńdy Qyzyr jalǵasyn.
Áýmın
***
Bereke bersin basyńa,
Baq qonsyn basyńa.
Balyn tatyp ómirdiń
Jambyldyń jet jasyna.
Qýanyshpen dostaryń
Jınala bersin qasyńa.
Qoıyń qozdap egizden,
Eshkiń týyp segizden.
Maıdan qolyń ketpesin,
Soǵymyń bolyp semizden.
Aıtyp júrsin qonaǵyń
Tańdaıdan ketpeı jegizgen.
Shalqyp jatsyn dáýletiń,
Tasyǵan seldeı teńizden.
Baıandy Alla baq bersin,
Adalyn bersin, aq bersin.
Ataǵyń ketip Alashqa,
Astyńa altyn taq bersin.
Áýmın
***
Qudaı jarylqasyn,
Baq qarasyn,
Qydyr darysyn!
Aıdan aman,
Jyldan esen qylyp,
Úıdegi, túzdegi
Mal-basty aman qylsyn!
Áýmın
***
Dastarhanyń maıly,
Kóńiliń jaıly bolsyn.
Ómirińe ne tileseń,
Tilegiń qabyl bolsyn.
Áýmın
***
Dastarhanyńnan dám ketpesin,
Kóńilińnen sán ketpesin.
Áýmın
***
Qudaı bersin, kem qylmasyn,
Dastarhanyń mol bolsyn,
Abyroıyń zor bolsyn.
Otbasynyń baılyǵyn bersin,
Denimizdiń saýlyǵyn bersin.
Kóńilimiz toq bolsyn,
Ýaıym - qaıǵy joq bolsyn.
Otyrǵandaryń úlken taq bolsyn.
Osy úıge tek baq qonsyn!
Surasań bata bereıin,
Yqylaspen qol jaısań,
Ústem bolsyn mereıiń.
Basyńa baq ornasyn,
Qyzyr bolsyn joldasyń.
Dastarhanyń mol bolsyn,
Abyroıyń zor bolsyn.
***
Bizge bergen etińiz,
Nıetinizge jetińiz.
Qyl kópirden ótkende,
Qulamaı tike ótińiz!
***
Shadııar bolsyn doctasyń,
Muhammed bolsyn - qostasyń.
Qyzyr bolsyn joldasyń,
Luqpan bolsyn kurdasyń.
Súrinip ketken jerińde,
Jeti əýlıe jetelep,
Keremetimen qoldasyn!
Qudaı jarylqasyn,
Baq qarasyn,
Qydyr darysyn.
Aıdan aman,
Jyldan esen qylyp,
Úıde, túzdegi
Mal - basty aman qylsyn!
***
Əýmın deseń bizge,
Bata berelik sizge.
Jasyń jetsin júzge,
Mal men basty,
Iman men jasty,
Qabat bermeıdi eken dep,
Təńiriden kúder úzbe!
***
Aı múıizdi,
Asha tuıaqtym - aı.
Jupar ıisti,
Baýyrsaq qulaqtym - aı.
Sende jazyq joq,
Bizde azyq joq,
Aqbata, aq tilekti qabyl et!
***
Toı - dýmanyńyz qutty bolsyn,
Baqyty zor otaý bolsyn.
Ishi janǵa tolsyn,
Syrty malǵa tolsyn!
Baqytyń dəýletińmen tasa bersin,
Dushpanyń qyrdan úrkip qasha bersin.
Bata sol bizden sizge, rahmet jaýyp,
Qudaıym mańdaıyńdy asha bersin!
***
Toı toıǵa ulassyn,
Baqyt balaǵa ulassyn.
Órisińdi órt shalmasyn,
Júregińdi dert shalmasyn!
***
Ulyń uıadan ushsyn,
Elin umytpasyn.
Qyzyń qııaǵa ushsyn,
Jerin umytpasyn!
Qaıǵyǵa bolattaı berik,
Jerdeı tózimdi bol.
Shańyraǵyńa shań túspesin,
Kóńilińe kirbiń túspesin.
Aspandaryń ashyq,
Juldyzdaryń jaryq bolsyn,
Abyroılaryń asqar taýdaı bolsyn!
***
Jańa Jylyń qutty bolsyn,
Densaýlyǵyń myqty bolsyn.
Júregińiz jalyn bolsyn,
Tilegimiz qabyl bolsyn!
***
Qudaı bersin, kem qylmasyn,
Dastarhanyń mol bolsyn,
Abyroıyń zor bolsyn.
Otbasynyń baılyǵyn bersin,
Denimizdiń saýlyǵyn bersin.
Kóńilimiz toq bolsyn,
Ýaıym - qaıǵy joq bolsyn.
Otyrǵandaryń úlken taq bolsyn,
Osy úıge tek baq qonsyn!
Surasań bata bereıin,
Yqylaspen qol jaısań,
Ústem bolsyn mereıiń.
Basyńa baq ornasyn,
Qyzyr bolsyn joldasyń.
Dastarhanyń mol bolsyn,
Abyroıyń zor bolsyn.
***
Ýa, Jaratqan, jarylqa! Mezgilsiz keler ólimnen saqta,
Kezdeısoq kelgen kelinnen saqta.
Daýyldyń kərinen saqta,
Jylannyń zərinen saqta,
Aıaq astynan keletin
Bəle - jalanyń bərinen saqta!
***
Peıilińe qonaqjaı,
Bata berem, qolyń jaı:
Aq jarylǵan júregiń,
Qabyl bolsyn tilegiń.
Bizge soıdyń qoı,
Úıińnen ketpesin toı.
Qyzyǵyna qanyp,
Ishpeı - jemeı toı.
Bizge astyń bas,
Bersin saǵan uzaq jas.
Aýyzdyqtap asaýdy,
Asýdan asýǵa as!
Syılap berdiń etińdi,
Jarylqasyn betińdi.
Endi əkeldiń sorpańdy,
Oryndalsyn qolqańdy.
Rahmet dəmińe,
Rızalyq bersin bərińe.
Aman bolyp basyńyz,
Júzge jetsin jasyńyz!
***
Maǵan japtyń shapan,
Kóńilde bolmasyn qapań.
Maǵan mingizdiń at,
Qyz uzatyp, qyzyǵyna bat!
Maǵan atadyń jol,
Ul ósirip məre - səre bol!
Maǵan berdiń et,
Kelin túsirip, tilegińe jet!
Maǵan berdiń saýǵa,
Basyń túspesin daýǵa!
Aldyma saldyń mal,
Alladan rahmet al!
***
Asyń, asyń, asyńa,
Bereke bersin basyńa!
Bódenedeı jorǵalap,
Qyrǵaýyldaı qorǵalap,
Qydyr kelsin qasyńa!
Senen baılyq ótpesin,
Təńiri bergen berekeń,
Tepkilese ketpesin!
***
Adaldyq bersin asyńa,
Amandyq bersin basyńa.
Topqa túsip, toıly bol,
Nóker ertip qasyńa.
Qozylaryń jamyrap
Qotanyńa syımasyn.
Qulyndaryń quldyrap,
Qula túzge syımasyn.
Keleli túıeń qaptaǵan,
Qarataýǵa syımasyn.
Aqtyly qoıyń adaldan,
Alataýǵa syımasyn.
Kókalaly kóp jylqyń,
Kókshetaýǵa syımasyn.
Ul men qyzyń teń esip,
Ulytaýǵa syımasyn!
Bar eken dep tasyma,
Joq eken dep jasyma,
Eńbek etseń erinbeı,
Dəýlet keler qasyńa.
Kóre almaǵan dushpannyń,
Kemeńgerdiń alǵyr oıyn bersin,
Eki dúnıeniń abyroıyn bersin!
Talaptymen taý astyrsyn,
Talantymen talastyrsyn.
Dastarhanyń baı bolsyn.
Qazan - oshaǵyń maı bolsyn.
Tórt túligiń saı bolsyn.
Kóńiliń tolyp jaı bolsyn.
Ulyń qonyp qııaǵa,
Qyzyń qonyp qııaǵa,
Keliniń bıbi atanyp,
Ulyń bolsyn bı aǵa.
Bergennen Alla tanbasyn,
Kóbeıe bersin mal basyń,
Óse bersin jan basyń,
Armanyń kókke samǵasyn.
Dosyńnan kóńiliń qalmasyn,
Jaǵańnan dushpan almasyn,
Jolyń bolyp jortqanda,
Jolyńdy Qyzyr jalǵasyn.
* * *
Dastarhanyńa bereke bersin,
Bastaryńa mereke bersin,
Astaryńa adaldyq bersin,
Bastaryńa amandyq bersin,
Denderińe saýlyq bersin!
* * *
Bereıin bata asyńa,
Amandyq bersin basyńa.
Bódenedeı jorǵalap,
Qydyr kelsin qasyńa,
Bar ekem dep tasyma,
Joq ekem dep jasyma.
Eńbek etseń erinbeı,
Dáýlet keler qasyńa.
Kóre almaǵan dushpannyń,
Jýa bitsin jolyna.
Baqytyń jetsin tótelep,
Dúnıe maldy jetelep,
Aýzyma túsken batanyń
Jatyrmyn bárin túgendep!
Kóterdik mine bilekti,
Aqtardym túgel tilekti,
Mynaý turǵan balańyz,
Batyr bolsyn júrekti.
***
Jamandyqtan adastyrsyn,
Jaqsylyqpen janastyrsyn!
***
Bilimiń molaıa bersin,
Eńbegiń zoraıa bersin.
***
Maqsattaryń aıqyn bolsyn,
Ómirleriń jarqyn bolsyn.
Eńbekteriń kósheli bolsyn!
***
Bilimiń tereńdesin,
Óneriń kemeldensin,
Juldyzyń jaınasynshy,
Tabanyń taımasynshy,
Dos - jaryń bezinbesin,
***
Jarapazan batasy
Qonaqtasyn bereket,
Qasha bersin pəleket.
Qıyn deıdi qııamet,
Jaqyn deıdi aqyret.
Aqyretke barǵanda,
Qyl kópirden aman ót!
Mine, bata, aq nıet,
Bola bersin bereket.
Qıyn deıdi qııamet,
Jaqyn deıdi aqyret,
Qulshylyq qyl Allaǵa,
Qyl kópirden taımaı ót.
Kirsin dəýlet,
Shyqsyn beınet.
Alla atymen beınet et.
Joq - jitikke raqym et.
Təńir seni qoldasyn,
Ýaıym - qaıǵy bolmasyn.
Qabyl bolsyn orazań,
Əýletińdi ońdasyn!
