BES ÝAQYT NAMAZ

14 aqpan 2024 935 0
Оqý rejımi

Eń alǵash dáret alǵan adam Adam (a.s.) paıǵambar. Adam (a.s.) jer betine túsirilgende jánnatta jegen tyıym salynǵan jemistiń káffaraty retinde dáret alady.

Tań namazyn alǵash ret oqyǵan da Adam (ǵ.s.) paıǵambar. Óıtkeni ol jumaqta eshqashan túndi, qarańǵylyqty kórmegen edi. Jerge túsirilgende ony tún qarańǵylyǵy basyp, esinen tanyp qalady. Tań raýandap atyp, tańnyń nuryn kórgende, buǵan shúkirlik etip, eki rakaǵat namaz oqıdy.

Túski ýaqytta alǵash bolyp namaz oqyǵan Ibrahım (a.s.) paıǵambar. Ol ulyn qurbandyqqa shalar kezinde tórt qıyndyqqa tap bolady. Bular – ulyn qurbandyqqa shalýdyń qıyndyǵy, balasynyń qıyndyq kórýi, áıeliniń ýaıymy jáne Rabbysynyń razylyǵyna jete almaýdyń qamy. Sóıtip, Ibrahım (a.s.) paıǵambar Alla taǵalanyń barlyq qıynshylyqtaryn ketirgenine shúkirlik etip, túski ýaqytta tórt rakaǵat namaz oqıdy.

Ekinti namazyn alǵash bolyp oqyǵan  Súleımen (a.s.) paıǵambar. Alla taǵala oǵan mal-múlik pen saltanatyn qaıtaryp bergende, shúkirshilik retinde ekinti ýaqytynda tórt rakaǵat namaz oqıdy.

Isa (a.s.) paıǵambar aqsham ýaqytynda birinshi bolyp namaz oqyǵan paıǵambar. Ol ózi jaıly «ol úsh qudaıdyń úshinshisi», deýshilerdiń sózderine káffarat bolý úshin keshkisin úsh rakaǵat namaz oqıdy.

Iýnýs (a.s.) paıǵambar quptan ýaqytynda alǵash bolyp namaz oqyǵan paıǵambar. Ol balyqtyń ishinen jaǵaǵa shyǵarylǵanda, tún bolatyn. Osyǵan shúkirshilik etip, ol tórt rakaǵat namaz oqıdy.

Alla taǵala Muhammed úmmetine osy paıǵambarlardyń alǵan saýaptaryna ıe bolý úshin osy bes ýaqytta dáret alyp, namaz oqýdy násip etti.

 

Pіkіrler Kіrý