BAILYQTY QALASAŃ...

Alla Taǵala aıtady:

"Ishterińdegi boıdaqtardy, sondaı-aq qoldaryńdaǵy qul, kúńderdiń durystaryn úılendirińder. Eger olar kedeı bolsa da, Alla óz keńshiligimen olardy baıytady. Alla, asa keńshilik Iesi, tolyq Bilýshi. («Nur» súresi, 32)

Omar ıbn ál-Hattab (r.a) aıtady:

"Úılený arqyly baılyqty talap etpegen adamǵa tań qalamyn! Óıtkeni Alla Taǵala: Eger olar kedeı bolsa da, Alla óz keńshiligimen olardy baıytady" - dep aıtty emes pe?!   (Abdýr-Razzaq, 10393 | Táfsır ál-Qýrtýbı 12/241)

 Abdýlla ıbn Masǵýd (r.a) aıtady:

" Úılengennen keıin, nekeden baılyqty kútińder! Óıtkeni Alla Taǵala: Eger olar kedeı bolsa da, Alla óz keńshiligimen olardy baıytady" - degen. (Táfsır át-Tabarı 12/275)

Imam Abýl-Faraj ıbn ál-Jáýzı aıtady:

" Bul aıatta Alla Taǵala kedeılikten arylýdyń joly - úılený ekendigin baıandady"  (Zadýl-masır 6/36)

 Imam Qýrtýbı bul aıat jaıynda aıtady:

"Kedeıliktiń sebebinen áıelge ne er adamǵa úılenýden bas tartýyna bolmaıdy. Eger, olar kedeı bolatyn bolsa, Alla Taǵala olardy Óz keńshiligimen baıytady. Bul ýáde, Alla Taǵalanyń razylyǵyn qalap jáne onyń tyıym salǵan isterinen aýlaq bolý úshin úılengenderge berilgen".

Jáne de ol aıtady:

 "Eger bireý aıtsa, "biz úılengenderdiń arasynda baıyp ketkenderdi kórmedik" dep, onda biz aıtamyz: "Bul ýáde árdaıym oryndalady degendi bildirmeıdi! Eger ol bir ret bolsa da kelse, ýádeniń oryndalǵany. Sonymen qatar, "baıytady" degen sózdiń maǵynasy, senimdi hadıste kelgendeı, rýhanı jan baılyǵy degendi de bildiredi:

"Shynaıy baılyq - mal-dúnıeniń kóptigi emes, shynaıy baılyq - rýhanı jan dúnıeniń keńdiginde" (Býharı 6446; Mýslım 1051)  Tafsır ál-Qýrtýbı 12/241 

Abdýlla ıbn Masǵýd (r.a) aıtady:

"Eger meniń taǵdyrymda on kúnnen keıin óletindigim jazylsa jáne men ony bilsem, eger múmkindigim bolsa eliktirýden qoryqqanym sebepti úılengen bolar edim"