BAIǴAZY

30 qarasha 2023 1587 0
Оqý rejımi

Baıǵazy - óte erteden kele jatqan qazaqtyń tól dástúri. Ol - jańa kıimge, jańa buıymǵa beriletin syı-joralǵy.

Ásirese kishkene balalardy, jasóspirim ul-qyzdardy qýanyshqa bóleıdi. Olardyń jańa kıgen kıimine maqtanyp baýyr-týystarynan, naǵashylarynan baıǵazy suraýy min emes, kerisinshe úlkenderdiń ony elemeýi, ataýsyz qaldyrýy úlken min bolyp sanalǵan eken.

"Bir bala qýansa - on gúl qaýagaq ashady" dep túsinetin halqymyz balany qýantyp, kóńilin marqaıtýdy ózine mindet-paryzdaı kóripti. Baıǵazynyń kesimdi ólshemi joq, ony árkimniń patsha kóńili biledi.

Mysaly, uldarǵa qamshy, noqta-júgen sekildi zattardy, qozy-laq sııaqty tólderdi, al qyzdarǵa úki, sólkebaı, monshaq, marjan, basqa da qyzǵa laıyq nárselerdi bergen eken.

Úlkender:

"Kıimiń tozǵaq - ómiriń uzaq bolsyn!" - dep tilek tilese, er balalarǵa apa-jeńgeleri:

"Baıǵazyǵa baıdyń qyzy!" - dep ázildep, azdy-kópti bolsa da tartý-taralǵy jasaıdy.

Baıǵazy balalardy qýanyshyn ózgelermen bólisetin kópshilikke jeteleıdi, baýyr-týystyq, janashyrlyq qarym-qatynasty uǵyp, yntymaqty nyǵaıtýǵa baýlıdy.

Bala jasyndaǵysyn umytpaıdy ári shynaıy qýanady.

Olarda eresekterde kezdesip qalatyn ótirik kólgirsý men ár nárseniń túbinen qarymta izdeıtin esep bolmaıdy.

Áne, sondyqtan da bala ózi óskende ózgeniń kóńiline qaraýdy, qýanysh syılaýdy erte jastan boıyna sińiredi. Qazir "baıǵazy" sózi tilimizden qalyp barady, sırek aıtylatyn boldy. Sebebi onyń maǵynasy "kórimdik" saltyna qosylyp ketti. Anyǵynda, baıǵazy men kórimdik - eki basqa uǵymdar.

 

Zeınep Ahmetova "Kúretamyr"

 

Pіkіrler Kіrý