BAÝYRJAN ÁLI USTAZDYŃ ÁR KÚNGI JAZBASYNAN...
MÚMIN KISI NEDEN QAÝIPTENEDI?
Sahaba Osman (Alla oǵan razy bolsyn) bylaı dep aıtqan eken «Múminde alty túrli qaýip bolady.
1. Alla Taǵalanyń ımanyn alyp qoıýynan qaýiptenedi.
2. Perishtelerdiń Qııamet kúni masqara etetin kúnálaryn jazyp qoıýynan qaýiptenedi.
3. Shaıtannyń óziniń jasaǵan saýapty isin buzýynan qaýiptenedi.
4. Ólim perishtesiniń qapersizde janyn alýynan qaýiptenedi.
5. Dúnıeniń qyzyqtaryna batyp, aqyretin umytýdan qaýiptenedi.
6. Óziniń bala-shaǵasymen bolyp, Allanyń zikirin umytýdan qaýiptenedi».
Ýa, Jaratqan Jabbar Iem, ımanymyzben jan tapsyrýdy násip et!
Elimiz aman,jurtymyz tynysh bolsyn!
Kúnderińiz saýapty isterge toly ótsin!
QULAQ SALYP TYŃDAÝ..
Beıtanys bir bədəýı áıgili ǵulama Shaǵbıdiń (Alla oǵan razy bolsyn) májilisine jıi keledi eken. Alaıda ləm-mım dep jaq ashpaı otyrady eken. Sodan bir kúni ımam Shaǵbıdiń oǵan nazary aýyp:
"Məjiliste sóz alyp sóıleýińe ne kedergi?" dep suraıdy.
Bədəýı oǵan qarap: "Úndemesem (bəleden) qutylamyn. Tyńdasam úırenemin" dep jaýap bergen eken.
Qulaq salyp tyńdaıtyn sətterimiz kóp bolsyn!
Kúnderińiz saýapty isterge toly ótsin!
Elimiz aman, jurtymyz tynysh bolsyn!
SAHABA OMAR (ALLA OǴAN RAZY BOLSYN) BYLAI DEGEN EKEN:
1. Kóp syrlasty kórdim, biraq tilimdi saqtaýdan artyq syrlas tappadym.
2. Kóp kıimdi kórdim, biraq taqýalyqtan artyq kıim tappadym.
3. Kóp mal-múlikti kórdim, biraq qanaǵattan artyq maldy kórmedim.
4. Jaqsy istiń kóp túrin kórdim, biraq nasıhattan artyq jaqsylyq kórmedim.
5. Kóp taǵamnyń dámin tatyp kórdim, biraq sabyrdyń dáminen tátti dám tatyp kórmedim».
Jumańyz múbarak bolsyn!
Juma kúngi jasaǵan duǵa-tilekterińiz qabyl bolsyn!
Elimiz aman, jurtymyz tynysh bolsyn!
QANDAI ISTI ISTEÝ QIYN?
Sahaba Álı (Alla oǵan razy bolsyn) bir sózinde bylaı degen eken: «Tórt túrli jaǵdaıda tórt isti isteý qıyn.
1. Ashý ústinde keshirim jasaý.
2. Joqshylyqta jomarttyq jasaý.
3. Ońashada kúná is istemeý.
4. Ózi qorqatyn nemese táýeldi kisisiniń betine shyndyqty aıtý».
Qaıyrly kún!
Kúnderińiz saýapty isterge toly ótsin!
DANALAR TAǴY BYLAI DEGEN EKEN:
«Tórt nárse jaman, al taǵy tórt nárse odan da jaman.
1. Jas jigittiń kúná istegeni jaman, al qarttyń kúná jasaýy odan da jaman.
2. Saýatsyzdyń dúnıege berilgeni jaman, alaıda, ǵalym adamnyń dúnıege berilýi odan da jaman.
3. Barlyq adamdardyń ǵıbadatqa salǵyrt qaraýy jaman, alaıda ǵulamalar men shákirtterdiń salǵyrt qaraýlary tipti jaman.
4. Baılardyń tákappar bolǵany jaman, kedeıdiń tákappar bolǵany odan ótken jaman».
Qaıyrly kún!
Kúnderińiz saýapty isterge toly ótsin!
AQYLDY ADAM NEMEN AINALYSÝY KEREK?
Dáýit paıǵambar (Allanyń oǵan sálemi bolsyn) bylaı degen: «Zábýr kitabynda mynadaı naqyl bar: «Aqyldy pende úsh nársemen aınalyssyn: aqyretine azyq daıyndasyn, osy dúnıeniń tirshiligin qylsyn, rahat-lázzatqa adal jolmen jetsin».
Qaıyrly kún!
Kúnderińiz saýapty isterge toly ótsin!
KIM NENI BILÝI KEREK?
Sahaba Álı (Alla oǵan razy bolsyn): «Dúnıe nyǵmetin surasań Islamnan artyq nyǵmet joq, shuǵyldanatyn is surasań ǵıbadattan artyq is joq, al, ǵıbrat bolarlyq nárse surasań ólimnen artyq ǵıbrat joq» dep aıtqan eken.
Qaıyrly kún!
Kúnderińiz saýapty isterge toly ótsin!
QANDAI KÚNÁ KEShIRILMEIDI?
Ǵulama Sýfııan Sáýrı (Alla ony raqymyna bólesin) bylaı depti:
«Nápsiqumarlyqpen bolǵan kúnániń keshirilýine úmit bar, biraq tákapparlyqpen bolǵan kúnányń keshirilýine joq. Onyń sebebi, Ibilistiń kúnási tákapparlyqtan bolatyn, al Adam Atanyń kúnásiniń negizi qumarlyqtan edi».
Qaıyrly kún!
Kúnderińiz saýapty isterge toly ótsin!
TANYM...
Baǵzy danalardan mynadaı sóz qalypty: «Kimde-kim Alladan artyq jaqynym bar dep oılasa, ol onyń Alla jónindegi tanymynyń azdyǵyn bildiredi. Kimde-kim óziniń nápsisinen asqan dushpanym bar dep oılasa, ol onyń óziniń nápsisin tanymaǵandyǵy».
Qaıyrly kún!
Kúnderińiz saýapty isterge toly ótsin!
DANALAR BYLAI DEGEN EKEN:
«Tórt nárse jaqsy, al tórt nárse olardan da jaqsyraq. Uıat erler úshin jaqsy, áıel zaty úshin odan da jaqsy. Ár adamnyń ádil bolǵany jaqsy, alaıda ámirshilerdiń ádil bolǵany odan da jaqsy. Qart adamnyń táýbege kelgeni jaqsy, alaıda jas jigittiń táýbe etkeni odan da jaqsy. Baılardyń jomart bolýy jaqsy, alaıda kedeıdiń jomarttyǵy odan da jaqsyraq».
Jumańyz múbarak bolsyn!
Jasaǵan Jabbar Iem jasaǵan duǵa-tilekterińizdi qabyl etsin!
Elimiz aman, jurtymyz tynysh bolsyn!
HAQIQI DOS...
Erterekte bir kisi dosyn qatty jazǵyrypty. Dosy lám-mım dep jaq ashpaı tyńdap tura beripti. Álgi kisi dosynyń sóz qaıtarmaı turǵanyna yza bolyp: "Osynsha aýyr sóz aıttym. Sen nege qarsylyq bildirmediń?" dep surapty. Sonda dosy: "Qarsylyq bildirsem kóńilińe tıetin sóz aıtý kerek. Meniń júregimde saǵan aıtar ondaı sóz joq" degen eken.
Dostaryńyz kóp bolsyn!
Qaıyrly kún!
Kúnderińiz saýapty isterge toly ótsin!
KIMMEN AQYLDASÝ KEREK?..
Luqman hákim balasyna bylaı nasıhat aıtqan eken.
"Balam! Tájirıbesi mol kisimen ǵana aqyldas! Sebebi ol ózine qymbatqa túsken oıyn, tájirıbesin saǵan beredi. (Bul bir jaǵynan, ekinshi jaǵynan) sen ol oıdy tegin alasyń".
Qaıyrly kún!
Kúnderińiz saýapty isterge toly ótsin!
NASIHAT..
"Myna ekeýi musylman kisiniń boıynda máńgi bolmaıdy. Olar: Jastyǵy men kúsh-qýaty.
Myna ekeýiniń kez kelgen musylmanǵa paıdasy tıedi. Olar: Kórkem minez ben keńpeıildilik.
Myna ekeýi kez kelgen musylmannyń abyroıyn kóteredi. Olar: Kishipeıildilik pen ózgeniń muqtajdyǵyn óteý.
Myna ekeýi basqa keler kez kelgen báleni qaıtarady. Olar: Sadaqa men týystyq qatynasty úzbeý".
Sahaba Álı ıbn Ábý Tálip (Alla oǵan razy bolsyn).
Qaıyrly kún!
Kúnderińiz saýapty isterge toly ótsin!
SADAQANYŃ SAÝABY...
"Saýapty ister óz aralarynda bir-biriniń artyqshylyqtaryn aıtyp maqtanady eken. Sadaqa sóz alyp: " Aramyzdaǵy eń abzaly myna menmin" deıdi eken.
Sahaba Omar ıbn Hattab (Alla oǵan razy bolsyn).
Qaıyrly kún!
Kúnderińiz saýapty isterge toly ótsin!
KIMNEN AIYRYLYP QALMAÝ KEREK?
Hákimderden qalǵan mynadaı sóz bar eken.
"Myna tórt kisiden aıyrylyp qalma! Olar:
1. Ashýǵa mingenińde tózimdilik kórsetip, ashýyńdy kótere bilgen kisiden
2. Sen joq jerde seni jaqtap, sózińdi sóılegen kisiden.
3. Qaıǵyryp júrgenińde, kóńilińdi tapqan kisiden.
4. Zulymdyq kórip, japa shegip júrgenińde qoldaý kórsetken kisiden".
Qaıyrly kún!
Kúnderińiz saýapty isterge toly ótsin!
JAMAN SÓZ ESTIGIŃIZ KELMESE...
Ózi taz Shərık əl-Harısı túsi qara bir kúńge qarap: "Eı, qara qatyn! Sen kimniń kúńisiń?" dep suraıdy.
Kúń: " Eı, taz! Men pəlenshe uly túgenshege tıesili kúńmin" dep jaýap qatady.
Taz degen sózge Shərık shamdanyp: "Sen nemenege ashýǵa minip tursyń? Túsiń shynymen-aq qara emes pe?! deıdi. Kúń: "Taz degen sózdi sen de kótere almaı tursyń ǵoı. Seniń ashýyńdy aqıqat týdyrdy. Al aqıqat ashty bolady. Budan bylaı bylapyt sóz estigiń kelmese bireýge beıpil, ədepsiz aıtpa!" degen eken. Kúnderińiz sətti ótsin!
DUǴANYŃ QASIETI...
Erterekte ǵumyr keshken áýlıe-ǵalymdardyń biri bylaı degen eken.
"Kez kelgen nárse túbinde ketedi. Qaıtyp kelmeıdi. Tek "duǵa" ǵana úmitpen ketip, mindetti túrde alýan túrli "nyǵmet" bolyp oralady".
Jumańyz múbarak bolsyn!
Juma kúni jasaǵan duǵa-tilekterińizdi Jaratqan Jabbar Iem qabyl etsin! Elimiz aman, jurtymyz tynysh bolsyn! Árbir musylmannyń otbasyna baq, bereke darysyn!
QANDAI JERDE ShEGINShEKTEP KEIIN TARTYNÝ KEREK?...
Hákimderden qalǵan mynadaı sóz bar eken.
"Myna úsh jerden basqa jerde tartynyp sheginshekteý "qorqaqtyq". Olar:
1. Nátıjesiz, paıdasyz "talastan" tartyný.
2. Keleshegi joq, nashar "qarym-qatynastan" tartyný.
3. "Qadirińdi bilmeıtin" jerden tartynyp aýlaq júrý".
Qaıyrly kún!
Kúnderińiz saýapty isterge toly ótsin!
ADAMDAR QANDAI BOLADY?
Arabtyń áıgili shesheni Áııýb ıbn Qırııadan (Alla ony raqymyna bólesin) mynadaı sóz qalǵan eken.
"Adamdardyń úsh túri bar. Olar:
1. Aqyldy. Mundaı adamnyń dini - sharıǵat. Ustamdylyq - minezi. Durys oı - qasıeti. Sóılese dóp tıgizip sóıleıdi. Tyńdasa, túısinip tyńdaıdy. Oǵan qarata sóz aıtylsa mindetti túrde jaýap beredi.
2. Aqymaq. Sóılese aýzy kópirip laǵyp ketedi. Bireýge aqyl aıtsa qorqytyp sóıleıdi. Oıynan qaıtý talap etilse, oıynan taıqyp ketedi.
3. Pasyq. Senim artsań qııanat jasaıdy. Janyna erseń abyroıyńdy tógedi".
Qaıyrly kún!
Kúnderińiz saýapty isterge toly ótsin!
HÁKIMDERDEN QALǴAN MYNADAI SÓZ BAR.
"Myna úsheýi osy úsheýiniń qolyna ótse esh paıdasy bolmaıdy. Olar:
1. Sarańnyń qolyndaǵy dúnıe-múlik.
2. Qorqaqtyń qolyndaǵy qylysh.
3. Munafyqtyń qolyndaǵy qalam".
Qaıyrly kún!
Kúnderińiz saýapty isterge toly ótsin!
AŃDAMAI SÓILEGEN...
Bir shaıyr bir jıynda shalqyp otyryp áıelderdiń qytyǵyna tımekshi bolyp bekinipti. Dereý sóz alyp: "Negizi Alla Taǵala áıel balasyn sulý qylyp jaratqanmen, aqylyn kem etken" depti. Shaıyrdyń sózin estigen sol jıynda otyrǵan áıeldiń biri múdirmesten: "Iá, durys aıtasyń. Bizdi sender súısin, jaqsy kórsin dep áıel balasyn Alla sulý etip jaratqany ras. Endi senderdi de biz súısin dep aqylymyzdy kemdeý jaratqany da ras" degen eken.
Qaıyrly kún!
Kúnderińiz saýapty isterge toly ótsin!
UIaLÝ KEREK...
"Bilip qoıyńdar! Senderdiń ərbir jasaǵan is-əreketterińdi jazyp saqtaıtyn perishteler bar. Solardan uıalyńdar!".
Sahaba Omar ıbn Hattab (Alla oǵan razy bolsyn).
Qaıyrly kún!
Kúnderińiz saýapty isterge toly ótsin!
BAÝYRMALDYQTY NE ARTTYRADY?
"Musylman baýyryńnyń saǵan degen súıispenshiligin taza, saf ustaıtyndyrǵa mynalar jatady.
1. Onymen jolyqqanyńda odan buryn oǵan səlem berýiń.
2. Oǵan eń súıikti esimmen ony shaqyrýyń.
3. Məjiliske kelgende oryn berýiń".
Sahaba Omar ıbn Hattab (Alla oǵan razy bolsyn).
Qaıyrly kún! Kúnderińiz saýapty isterge toly ótsin!
SYRTYM SULÝ BOLSYN DESEŃIZ..
"Ishki jan dúnıelerińdi túzeńder! Syrtqy beıneleriń sonyń negizinde ózi-aq túzeledi".
Sahaba Omar ıbn Hattab (Alla oǵan razy bolsyn).
Juma múbarak bolsyn!
Alla Taǵala jasaǵan duǵa-tilekterińizdi qabyl etsin! Elimiz aman, jurtymyz tynysh bolsyn!
ZIKIR...
"Allany zikir etýge kúsh salyńdar! Sebebi (zikir) dertterińe shıpa. Adamdar jaıynda sóz qozǵaýdan aýlaq bolyńyzdar! Sebebi ol (jazylmas) dert".
Sahaba Omar ıbn Hattab (Alla oǵan razy bolsyn).
Qaıyrly kún!
Kúnderińiz saýapty isterge toly ótsin
BILIM...
"Ustamdylyq pen baısaldylyqty úırenińder! Bilim alǵan (ustazdaryńa) kishipeıildilik kórsetińder! Sondaı-aq bilim úıretetin (shəkirtterińe) kishipeıildilik tanytyńdar!".
Sahaba Omar ıbn Hattab (Alla oǵan razy bolsyn).
Bilim kúni qutty bolsyn! Alla Taǵala elimizden ǵulamalardyń kóptep shyǵýyn násip etsin!
