BARAR MEKENIMIZ MÁŃGILIK!

Dúnıeniń bar ekendigi qanshalyqty aqıqat bolsa onyń Pánı (ótkinshi) ekendigi de dál sondaı aqıqat. Bul barshamyzǵa málim. Alaıda kópshiligi  bul jaıynda oı júgirte bermeıdi. Bir qyzyǵy bizdi osy dúnıemen qoshtastyratyn ólim sáti jaqyndaǵan saıyn biz odan uzaqtaı túsemiz.

 Ol bizge dos bolyp kórinse  de biz ony dushpan dep qarsy alamyz. Eger onymen dos bolsaq, dúnıedegi ǵumyrymyzǵa mán kirip, pánılik alańdaýshylyq mazamyzdy almaıtyn bolady. Alaıda dostyq qurýdyń ornyna qashatyn bolsa dúnıede ómir súrý qıyn bola túsedi. Árkim osy jalǵan dúnıeniń bir shetin ýysyna alyp qalý úshin jan-tánimen bir-birimen talas-tartysqa túsedi.

Al adam ımannyń arqasynda dúnıedegi  basy bos júristen qutylyp, jer men kóktiń Rabbysynyń qadirli qonaǵyna aınalady. Jer men kóktiń barsha nyǵmetteri sol qadirli qonaqtyń aldyna jaıylady. Pánılik degen termın ózgeshe bir qalypqa enip ómirinde bir ózgeris paıda bolady.

Dúnıeniń sáni men saltanaty óte bersin. Qalaı bolsa da ornyna jańasy keleri  aqıqat. Sebebi olar pánı bolsa da olardy joldap turýshy máńgilik. Dúnıedegi ǵumyr qysqa bolsyn, barar mekenimiz máńgilik.

Toty qus tústi kóbelek
Jaz saılarda gýlemek.
Báısheshek solmaq, kúıremek,
Kóbelek ólmek, sıremek.

Adamzatqa ne kerek:
Súımek, sezbek, keıimek,
Hareket qylmaq, júgirmek,
Aqylmen oılap sóılemek.

Árkimdi zaman súıremek,
Zamandy qaı jan bılemek?
Zamanǵa jaman kúılemek,
Zaman da ony ılemek.     (Abaı)