BALANYŃ QOLYNDAǴY TELEFON — BOLAShAǴYNA ShABYLǴAN BALTA

Búgingi oqýshylardyń eń aýyr jaǵdaıy telefonǵa kirip ketý. Úziliste, sál qoly bos bola qalsa telefondaǵy oıynǵa kirip ketken balalardy kórip shoshımyn.

Tamaqty asyǵys ishe salyp telefonǵa júgiredi, sabaq biter bitpes telefonǵa kirip ketedi. Al, telefondaǵy oıynnan keıin biraz ýaqyt balanyń zeıinin sabaqqa aýdarý óte qıyn bolady.

Resmı psıhologtar men zertteýshi mamandardyń tujyrymyna súıensek, telefonǵa táýeldilik oqýshynyń zeıinin shashyratady, este saqtaý qabiletin nasharlatady, minezin ózgertedi, adamı qarym-qatynasyn azaıtady, kózdiń jáne mıdyń qalypty jumys isteý qabiletin buzady.

Zııany óte kóp. Buryn qatty elemeıtin edim, qazir tipti aýyrlap ketken eken.

Ótken aıda ata-analarǵa telefonsyz mektepke aınalaıyq degen usynys tastap, saýalnama jasadym. 90% + ata-ana eki qolyn kóterip qoldady. 2-3% ata-ana bári bir dese, 7-8% ata-ana balasynyń telefon táýeldigine qarsy emes, telefon jınap alýǵa qarsy.

Sonymen basym kópshilik ata-analarymyzdyń qoldaýymen, áriptesterimizdiń qoldaýymen barlyq QAZBILIM ulttyq lıtseıleri erteń 20 jeltoqsannan bastap, telefondy tańda jınap alyp, keshke taratyp beremiz degen sheshimge keldik.

Mektepte telefonsyz ómir ótkizetin bolamyz. Bul mekteptiń bilim men tárbıe berý úderisine oń áser etip, oqýshylarǵa paıdaly bolady dep senemin!

Mektepte telefonǵa ruqsat bermeý álemde 25-ten asa memlekette bar eken. Onyń bári derlik damyǵan elder, bilim sapasy joǵary elder.

Bul durys qadam dep oılaımyn. Biz de sol qatarǵa qosyldyq!

Endi QAZBILIM ulttyq lıtseı oqýshylary mekteptegi ómirin telefonsyz ótkizedi.

Sizder bul sheshimge qalaı qaraısyzdar?

Aıatjan AHMETJANULY, bilikti ustaz.