AZAN JÁNE QAMATTYŃ ÚKIMDERI QANDAI?

Suraq: Azan jáne qamattyń úkimderi qandaı?

Jaýap:  Azan jáne qamat  

S: Sharıǵatta azannyń úkimi qandaı?

J: Bes ýaqyt namaz ben juma namazyna azan aıtý bekitilgen súnnet. Basqa namazdarǵa azan aıtylmaıdy. Aıt, súnnet, tasattyq , kún tutylý, janaza namazdaryna azan aıtylmaıdy.

S: Azannyń sózderi qandaı?

J: Azannyń sózderi tómendegideı:          Allahý ákbar! Allahý ákbar!          Allahý ákbar! Allahý ákbar!          Áshhádý ál-lá ıláhá ıllallah!          Áshhádý ál-lá ıláhá ıllallah!          Áshhádý ánná Mýhammadar-Rasýlýllah!          Áshhádý ánná Mýhammadar-Rasýlýllah!          Haııa alás-sala!          Hııa alás-sala!          Hııa alál-fáláh!          Haııa alál-fáláh!        Allahý ákbar! Allahý ákbar!        Lá ıláhá ıllallah! S: Munan basqa qosymsha sózder aıtylmaı ma?

J: Iá, tań namazynyń azanynda «Haııa alál-fáláhtan» soń «Assalatý haırým mınán-náým» dep eki ret aıtylady.

S: Azan sózderin jaı bir qaıtalap, sosyn ekinshi ret daýystap qaıtalasa bola ma?

J: Ábý Hanıfa mazhabynda mundaı úrdis joq.

S: Qamat qalaı aıtylady?

J: Adamdar jamaǵat namazyna turǵan kezde azanshy azan sózderine «Qad qamatıs-sala» sózin qosyp eki ret qaıtalap aıtady.

S: Azan men qamattyń aıtylýyndaǵy ózgeshelikter qandaı?

J: Azandy sozyp, al qamatty sozbaı, tezdetip aıtady.

S: Qubylaǵa qarap turyp aıtý kerek pe?

J: Iá. Qubylaǵa qarap turyp aıtý Paıǵambarymyzdyń (s.a.s.) kezinen qalǵan.

S: Azan sózderin aıtqanda qozǵalý kerek pe?

J: Iá. Azanshynyń júzi «Haııa alás-salany» aıtqanda solǵa burý mustahab.

S: Azan aıtqanda eki saýsaǵyn qulaqtaryna tyǵyp turýdyń úkimi ne?

J: Bul azan aıtýdaǵy súnnet is. Paıǵambarymyz (s.a.s.) óziniń azanshysy Bilálǵa (r.a.): «Daýsyńnyń kóterińki shyǵýyna sebep bolady»,– dep osylaı isteýdi buıyrǵan.

S: Qaza bolǵan namazdarǵa azan, qamat aıtyla ma?

J: Qaza namazdarǵa azan aıtylyp, qamat túsiriledi. Kóp namazdar qaza bolyp, bir ýaqytta oqylatyn bolsa birinshisine azan, qamat aıtylady, qalǵandaryna qalaýy biledi. Qalasa azan shaqyrady nemese qamatpen shekteledi.

S: Dáretsiz halde azan, qamat aıtýǵa bola ma?

J: Azan shaqyrý men qamat aıtqanda dáreti bolǵany durys. Dáretsiz azan shaqyrýǵa bolady, al qamat aıtý mákrýh. Sondaı-aq, azandy júnip halinde shaqyrý mákrýh.

S: Júnip bolǵan jaǵdaıda  azan, qamat aıtýdyń úkimi qandaı?

J: Azanyn qaıtalap aıtý kerek. Qamaty qaıtalanbaıdy.

S: Jas bala shaqyrǵan azan durys bola ma?

J: Iá. Aqyl-esi túzý, estııar balanyń azany durys bolyp esepteledi. Azandy qaıtalap aıtýdyń keregi joq.

 S: Namaz ýaqyty kirmesten buryn shaqyrylǵan azannyń úkimi qandaı?

J: Olaı etýge bolmaıdy. Erte shaqyrylsa qaıtadan shaqyrý kerek. Biraq ta Ábý Iýsýf tań namazynyń ýaqyty kirmesten buryn azan aıtýǵa ruqsat bergen.

 

Istochnık: http://fatua.kz/kz/post/view?id=283