AZ SÓZ – ALTYN…
Zertteý boıynsha, áıelder erlerge qaraǵanda 3 ese kóp sóıleıdi, er adamdar kúnine 7 myń sóz aıtsa, áıelder 20 myń sózdi aıtyp úlgeredi eken. Esesine, bıkeshter shapshań sóılep, áńgime aıtýdan lázzat alatyn kórinedi.
Osy biz qandaı sózderdi aıtyp júrmiz? Úıde, jumysta, dostarymyzdyń arasynda ne aıtamyz? Osy týraly oılanyp kórdińiz be?
Bir hadısinde Alla elshisi (s.ǵ.s.): «Kimde-kim Allaǵa jáne aqıret kúnine ıman keltirse, ıgi sózder aıtsyn nemese úndemesin» deıdi.
«Basqa pále – tilden» degen halqymyz da tilimizdiń ózimizge jaý ekenin meńzegen. Ǵaıbat sóıleý, bireýdi jamandaý, mensinbeý – nadannyń isi.
Paıǵambarymyz (s.ǵ.s.): «Adam aıtqan sóziniń maǵynasyna mán bermeı sóıleıdi jáne sol bir ǵana sózi úshin tozaqtyń batys pen shyǵys aralyǵyndaı uzaq jerine túsedi» dep bir ǵana ańdamaı aıtqan sóz úshin aqırette azap shegetinimizdi aıtqan. Sondyqtan, qansha ashýlanyp tursaq ta sabyrlylyq tanytyp, ár sózimizdi bizden buryn shaıtannyń aıtyp qoıýyna jol bermegen jón.
Ár sózimizdi perishteler jazyp, tirkeýde. Al sol sózdiń jaqsy ne jaman isterdiń qataryna qosylýy ózimizge ǵana baılanysty ekenin umytpaıyq.
