AITTYQ

Musylman qaýymynyń qadirleıtin merekesi - Aıt kúnderi úlkender kishige aıttyq usynady. Aıttyq degenimiz zattaı, aqshalaı beretin syı-káde.

Aıtta balalardyń jaqyndarynan aıttyq suraýy eshbir min emes, qaıta jón bolady. Ásilinde, úlkender aıttyqty suratpaı-aq ózderi beredi.

Balalardy qýantyp, merekeniń mereıin asyrady. Aıt kúnderi kóńildi, shad-shadyman jandar kóp bolsa, meıramnyń da mártebesi kóterile beredi, adamdardyń bir-birine degen izet-qurmeti, iltıpaty eselene túsedi.

Aıttyqty kishiniń de beretin tusy bar. Qyzdar ákelerine, aǵalaryna taqııa tigip, betoramal kestelegen eken. Syılyq zat shaǵyn bolǵanymen elep-eskerip, atyn arnaıy atap arnaýdyń joly úlken bolǵan. Ystyq-sýyǵy basylmaǵan jas jubaılar da ózara aıttyq berisken.

Sol sekildi unatqan qyzyna kóńilin jetkize almaı júrgen jigittiń batyldanyp qalatyn bir urymtal tusy osy Aıt kúnderi eken. Qyzǵa aıttyq usyný jeleýimen óziniń júrek sezimin bildirgen. Aıttyqty almaı qoıýǵa nemese qaıtarýǵa bolmaıdy. Ol qasıetti merekeni syılamaǵandyq bolyp esepteledi.

Zeınep Ahmetova "Kúretamyr"