AÝRÝDYŃ AITYLA BERMEITIN JASYRYN SEBEPTERI
Ádette barlyq aýrý júıkeniń tozǵanynan bolady dep jatady. Shynynda, álemniń jetekshi psıhologtary barlyq aýrý adamnyń jan dúnıesine baılanysty ekenin rastaıdy. Tómende el ishinde kóp kezdesetin keıbir kesel túrleri men onyń júıkemen tikeleı baılanysy týraly baıandaımyz.
Shashtyń túsýi. Ol bas súıektegi qysymnyń shekten tys artýynan bolady. Sonyń saldarynan shash túbindegi «qapshyqtar» qysylyp qalady da, jansyzdanady. Únemi ashýlanyp júrý, stress, ýaıym men kóp oılaný shashtyń jıi jáne ýystap túsýine sebep bolady. Ásirese er adamdarda degenine jete almaý, maqsatynyń oryndalmaýy, ózin tómen sanaý, qyzmettegi básekelestik únemi shıryǵýǵa jetkizedi de, sodan shash sırep, birte-birte taz bolýyna ákeledi.
Sańyraýlyq, qulaq aýrýy. Aǵzanyń jaǵymsyz, negatıvti aqparatty qabyldaýdan bas tartýy biraz jyldardan keıin qulaq aýrýyna ákep soqtyrady.
Bas aýrýy. Bas aýrýy kóbine mazaq, kemsitý, renishtiń saldarynan bolady. Eger sizde bas aýrýy jıilese, onda onyń túpkilikti sebebi ne ekenin oılanǵanyńyz jón dep jazady «Aýyrmańyz!» paraqshasy. Psıhologııalyq turǵyda bul kedergini joıyńyz, sonda bas aýrýynan qutylasyz.
Moıyn aýrýy. Bul aýrý ómirge beıim emes, problemany basqa – ekinshi qyrynan qaraı almaıtyn adamdarda kezdesedi. Ómirde birjaqty sheshimderdi ózgertýge tyrysyńyz, ıaǵnı kez kelgen máseleniń ekinshi qyyn túsiný úshin moıyn buryńyz, sonda áldeqaıda jeńildep qalasyz.
Tamaq aýrýy. Tamaq aýrýy ózińizge degen senimdilik pen jaýapkershilikpen tikeleı baılanysty. Eger ózińizge degen senimdilik artsa, tamaq aýrýy birtindep azaıyp, sońynda odan túbegeıli qutylasyz.
Arqa (jelke) aýrýy. Arqa aýrýy (jelkeniń tartylyp, qurysýy) kóp jaǵdaıda moraldi túrde qoldaý jetispegen adamdarda paıda bolady. Qaraqus tusynyń jıi tartylyp aýyrýy Emotsıonaldy qoldaý jetispegen adamdardy jıi mazalaıdy. Al eki jaýyryn ortasy aýyrsa, onda bul tótenshe jaǵdaıdan qorqý, ýaıymdaýdan paıda bolady, al arqańyzdyń tómengi jaǵy – belge jaqyn tusy aýyrýy qarjylyq qıyndyqqa baılanysty bolady eken.
Keýde (tós) aýrýy. Ózinen góri ózgege shekten tys nazar aýdaratyn, ózine ýaqyt tappasa da, ózgege járdemge júgire jóneletin adamdarǵa tán.
Keýdedegi (omyraý, ókpe) qaterli isik dep jazady «Aýyrmańyz!» paraqshasy. Adam ózindegi qýanyshty, sol sııaqty jaǵymsyz, jaısyz Emotsııany shyǵaryp tastaǵany jón. Ásirese renish, yza ishte saqtala beretin bolsa, ol berish bolyp qatyp, túıin bolyp «tesip» shyǵary sózsiz. Adamnyń ishindegi sherin bireýge aıtsa, jylap alsa jeńildep qalýynyń syry bar: keýdege jınalǵan júk ketedi.
Júrek aýrýy. Júrek aýrýy qýanysh pen mahabbat azdyǵynan, tipti joqtyǵynan paıda bolady desedi. Aınalańyz qýanysh pen shattyqqa toly, sondyqtan ózińizge ózińiz problema jasamańyz, ómirdiń árbir sátinen qýanysh kóre bilgen de jaqsy.
Asqazan aýrýy. Kóbine ómirindegi ózgeris pen jańashyldyqty qabyldaı almaıtyn, jaýapkershiligi tómen adamdarda kezdesedi. Asqazan jarasy ózin tolyqqandy sezine almaıtyn adamdardy da jıi mazalaıdy. Bul problemadan shyǵý joly – ózińizge degen mahabbat pen senim.
Óttegi tas. Uıqyny qashyrǵan mazasyz, jaman oılar men maqtanshaqtyq sımvoly. Ómir jaıly tek jaqsy oılańyz.
Analyq jáne atalyq bezderiniń aýyrsynýy. Bul durys oılana almaý, oıyńyzdy tolyq jáne durys jetkize almaýdyń belgisi. Árdaıym jaqsy oıda bolyńyz jáne pikirińizdi irkip qalmańyz.
Revmatızm. Kóbine ózge adamdardy synaýdan týyndaıdy. Revmatızmnen qutylý úshin pozıtıvti bolǵan jón.
Baıqaǵandaryńyzdaı, aýrýdyń kóbisi adamnyń kóńil-kúıi, minezi men oılaýyna tikeleı baılanysty. Sondyqtan jaqsy oılap, pozıtıvti bolyp, ózińizdi baǵalaı bilińiz!
Jaras QASYM.
«Aýyrmańyz!» paraqshasynan alyndy»
