Aýrýdan saqtanamyn deseńiz, dáret alyńyz...
Dinimizdegi ǵıbadattardy oryndaý úshin alynatyn jáne ózi de ǵıbadat bolyp esepteletin ol – dáret. Dáret – tek dene tazalyǵy ǵana emes, rýhanı tazarý. Dáret alýmen dúnıe men aqyretke baılanysty kóptegen jaqsylyqtarǵa qol jetkizýge bolady.
Alla Elshisi (s.ǵ.s.): «Eger adam dáret alyp, betin jýsa, betindegi músheleri istegen búkil kúnálary, qoly men aıaǵyn jýsa, osylarmen istegen kúnálary sý tamshylarymen birge aǵyp ketedi. Sonymen qatar, ózi de tap-taza bolady», – degen.
Dárettiń jan rahaty men tán rahatynan bólek adam aǵzasyna tıgizer paıdasy da mol eken. Muny qazirgi ǵylym dáleldep keledi.
Paıǵambarymyz (s.ǵ.s.) uıyqtar aldynda dáret alyp jatýǵa keńes bergen. Muny zamanaýı sarapshylar da usynady. Jatarda qol, aıaq pen sezim múshelerin (kóz, muryn, aýyz) jýý denege jaılylyq syılap, jaqsy uıqyǵa sebep bolady.
Zertteý nátıjelerine súıensek, dáret aǵzadaǵy bıoyrǵaqty júıege keltiredi. Ǵalymdardyń pikirinshe adam denesinde ishki azǵamen tyǵyz baılanysty bıobelsendi núkteler bolady. Bul núkteler sol aǵzalardyń basty tetigi bolyp tabylady. Sol núktelerdiń kópshiligi dáret alý kezinde kezdesedi. Zertteý nátıjesinde sondaı 66 núkteniń 61-i dáret alýǵa tıisti jerlerde ornalasqany anyqtalǵan.
BET: Betti jýý kezinde ishek, asqazan jáne qýyq syndy aǵzalarǵa áser beredi. Sonymen qatar, júıke jáne reprodýktıvti júıelerge de tıgizer paıdasy bar. Kúndelikti betke sý tııý ájimniń erte túsýinen saqtasa, al kózge sý tııý túrli ınfektsııalardy tazalaıdy.
AÝYZ: Aýyz qýysyn shaıǵanda qaldyq tamaqtardy alyp shyǵyp otyrady, osynyń arqasynda tis pen qyzyl ıek saý qalpynda qalady. Mısýak qoldaný da tis tazalyǵynda aıtarlyqtaı mańyzdy.
MURYN: Murynǵa sý jiberý búkil bakterııalardy aǵzaǵa túspesten shyǵaryp tastaıdy.
QULAQ: Qulaqty jýýǵa keletin bolsaq, ǵalymdar Paıǵambarymyz (s.ǵ.s.) jasaǵandaı, bir qalyppen qulaq qýysyn ýqalaı otyra jýýǵa keńes beredi.
AIaQ: Adamnyń oń aıaǵynda ishek, súıek jáne júıke júıeleri, bel, asqazan, asqazan sóli, ót pen tamaqqa jaýap beretin núkte ornlasqan. Oń aıaqty jýǵanda Endokrındik júıesiniń jumys isteýin retteıtin gıpofızge yqpal etedi.
TERI: Keıbir ǵalymdar dáret alý teriniń qaterli isik aýrýynan saqtaıdy deıdi. Buǵan mynadaı túsinikteme beredi ǵalymdar: Taharat (dáret alý) kezinde kir kóp juǵatyn, kóbirek kirlenetin dene músheleri jýylady. Dáret bolsa sol denelerdi kem degende kúnine bes ret tazalaıdy.
Qurmetti oqyrman! Sizderge dárettiń tazalyq pen rýhanı rahatynan bólek, aǵzańyzdyń jaılylyǵy men aýrýlardyń aldyn alatyn qyrlaryn da kórsetýge tyrystyq. Alla Taǵala quldaryna qıyndyq qalamaıdy.
