AQYRETTI ESTEN ShYǴARMAÝ

31 qańtar 2024 612 0
Оqý rejımi

Musylmannyń eń úlken maqsaty – dinı mindetterin jaqsylap oryndap, jan tynyshtyǵyna jetý. Dáýlettiń eń úlkeni – osy jolda ótken kúnder. Adamnyń aqyret ómirinen beıhabar bolýy óte aıanyshty jaǵdaı. Ondaı adam Allany umytady. Alla taǵala da ondaı adamǵa Ózin jáne óz ıgiligine bolatyn nárselerdi umyttyrady. Osy sebepti kóptegen adamdar máńgilik ómir aqyretke qajetti nárselerdi esine de almaıdy. Kerisinshe, janynyń qalaýy úshin ómiri men mal-múlkin ysyrap etedi. Aqyrynda ol jan tynyshtyǵyn tappaı ómirmen qosh aıtysady. Ondaı adamdar aqyrette kúni abdyrap, óte jaman halge dýshar bolady. Mine, bulardyń barlyǵy Alla taǵalany umytýdyń jazasy.

Paıǵambarymyz (s.a.ý.):«(Erteń isteımin dep) jumysty keıinge qaldyrý shaıtannyń urany. (Shaıtan) ony múminderdiń júregine úrleıdi».

«(Asyqpaı) saqtyqpen áreket etý bárinen de jaqsy. Aqyret amaldary budan tys».

Endeshe ǵapyldyq uıqysynan oıanyp, aqyret ómirine daıyndyqty kúsheıtý kerek. Biz de bul dúnıeniń jolaýshylarymyz. Dúnıe atty saharanyń shólindemiz. Adamzat kerýeni úzdiksiz qozǵalyp, materıaldyq jáne rýhanı salada eńbek etip, bolashaq úshin qamdanýda. Biz de osy qorqynyshty shóldi artqa tastap, «esendik» jaǵalaýyna jetýimiz kerek. Myna japan túzde ǵapyldyq pen jalqaýlyq uıqysynda qalaısha qala bermekpiz?!

Imam Ǵazalı (rah.) bylaı deıdi: «Múmınge laıyq nárse – bir nárseni Alla razylyǵy úshin jumsaǵysy kelgen kezde, kútpeı-aq birden jumsaý. Óıtkeni shaıtan ony kedeılikpen qorqytyp, kóńili qalaǵan ıgi isinen bas tartqyzýy múmkin.

Iá! Oıanyp, táýbe etip, keshirim surap, búgingi paryzymyzdy erteńge qaldyrmaı, aqyretke qamdanaıyq! Alla taǵala barshamyzǵa uıqydan oıanýdy, jetistikke jetýdi násip etsin. Ámın.

 

Pіkіrler Kіrý