AQYRETTE NENI AZYQ ETEMIZ?

12 qazan 2023 1776 0
Оqý rejımi

Birde bir patsha qasyna úsh ýázirin shaqyryp, alyp búı depti: "Ár qaısyń qoldaryńa bir-bir qapshyqtan alyp, baý-baqshaǵa baryńdar, sosyn sol qapshyqtaryńa toltyryp jemis-jıdekten salyńdar", - dep ámir etipti. Patshanyń bul buıryǵynyń astarynda ne jatqanyn túsinbegen úsheý, baýǵa kelipti.

Birinshi ýázir: Patshamyz buny bizderge bekerge buıyrmasa kerek, bunyń astarynda bir danalyq jatqan bolar dep, qapshyqqa toltyryp ádemi, tátti jemis-jıdekterdiń túr túrinen salypty. 

Ekinshi ýázir: Patshanyń bul býıryǵynyń astarynda, ne jatqanyn túsinbeı, qýlyqqa basyp, báribir patsha qapshyqty tekserip kórmeıdi ǵoı dep, qapshyǵyn shóp-shalam, shirigen jemisterge toltyra salypty.

Úshinshi ýázir: Patsha muny bizge jáıden-jáı buıyrdy, báribir ol muny teksermeıdi dep, ishine tas salyp toltyryp barypty.
Sodan patsha bulardyń úsheýinde, úsh aıǵa túrmege jabýǵa, jáne olarǵa qorek retinde ózderi tergen qapshyqtarynan basqa eshteme berilmeýin ámir etipti. Sodan birinshi ýázir ádemi shyqsa, ekinshi ýázir azyp-tozyp áreń degende aman qalypty, al úshinshisi tipten ólip ketipti.

Týra solaı, Alla Taǵala bizderge myna dúnıe de saýap jınaýǵa buıyrdy, saýap qapshyqtarymyzǵa neni salyp júrmiz? Eshkim xabar almaıtyn qabirde, eshkim kómektese almaıtyn aqirette neni azyq etpekpiz?!

 Eger jıǵan tergenimiz saýap, izgi amaldar bolsa, sony qorek etemiz. Al jıǵan-tergenimiz tek kúná jumystar bolsa she? Sondyqtanda ár birimiz qaperimizde ustaýymyz kerek bolǵan jáıt: Ólgennen soń Rabbymnyń aldyna ne alyp baramyn dep, izgi amaldardy molynan isteýimiz kerek!

 

Pіkіrler Kіrý