AQYRETKE SENBEÝ, AQYMAQTYQ JÁNE NADANDYQ BOLADY
Hazreti Álı (karromallahý ýájháh) bylaı degen:
«Ólgennen keıin qaıta tirilýge senbeıtin bireýdi kórseń oǵan bylaı de: Men senemin, ıman keltirgenmin. Seniń aıtqanyń durys bolsa, men budan esh zııan kórmeımin. Meniń aıtqanym durys shyqsa, sen máńgilikke otta janasyń!» Iaǵnı, senetin adam dinge moıynsunyp, eshkimniń quqyǵyn taptamaı, eshkimniń aqysyn jemeı adal ómir súrip, kórkem minezimen dúnıede jaqsy adam bolǵanyndaı aqyrette de munyń jemisin kóredi. Al senbeıtin adamnyń dúnıede shekteýleri bolmaǵanyndaı aqyrette azapqa ushyraıdy. Senbeıtin ımansyz bir adam ólse, óziniń senimi boıynsha joq bolady. Al senetin ımandy adamnyń kózqarasy boıynsha, ol jahannamda máńgi azap shegedi. Senetin ımany bar adam ólse ımansyzdardyń kózqarasy boıynsha joq bolady, al óz senimi boıynsha sheksiz lázzattar, nıǵmetter ishinde ómir súredi.
Aqyly men bilimi bar adam osy ekeýiniń qaısysyn tańdaıdy? Álbette ekinshisin emes pe? Dúnıe isterindegi jáne álemdegi júıelilik pen zańdylyqtar, aqyl ıelerine Alla Taǵalanyń bar ekenin habar berip kórsetip tur. Al aqyrettiń bar ekenin de Alla Taǵala habar berip tur. Olaı bolsa, aqyly men bilimi bar adamnyń Alla Taǵalanyń bar ekenine jáne bir ekenine senýi qajet. Senbeý, aqymaqtyq jáne nadandyq bolady.
Islamǵa moıynsunǵan adam dúnıede rahat jáne baqytty ómir súredi. Barlyq adamdarǵa jaqsylyq jasaıdy. Alla Taǵala quldaryna kóp meıirim etkeni úshin, paıdaly nárseni jasaýdy ámir etken. Bul ámirlerge «paryz» delinedi. Zııandy nárselerge tyıym salǵan. Oǵan «haram» delinedi. Paryzdar men haramdardyń barlyǵyna «Islam úkimderi» delinedi. Islamǵa sengen jáne moıynsunǵan adam dúnıede jáne aqyrette Alla Taǵalanyń jaqsylyǵyna qaýyshady, baqytty bolady. Senbegen adam aqyly men dúnıede paıdaly bolǵan úkimderine uıysa, tek dúnıede baqytty, rahat ómir súredi.
