AQYRET TAQÝA JANDAR ÚShIN

Qasas súresiniń 83-aıatynda: «Mynaý – aqyret mekeni. Biz ony jer betinde tákapparlyq pen buzaqylyq jasamaǵandarǵa beremiz. Negizinde, sońǵy tabys taqýalar (Alladan qorqatyndar) úshin» - denilgen. 

Bul aıat bylaı tápsirlengen:

Alla taǵala jer betinde tákapparlyq pen buzaqylyq jasamaǵandarǵa aqyrette tynyshtyq pen baqyt syılaıtynyn málimdeıdi.

Tákapparlyq: ımandylyqqa boısunbaý, tákappar bolý degen sóz. Buzaqylyq: rabbysyna qarsy shyǵyp, óz nápsisine erý degen. 

Perǵaýyn sııaqty bir-birine tákapparlyq tanytatyndar, Qarýn sııaqty fánı dúnıe baılyǵyna súıenip Allaǵa boıusynbaǵandar, jer betinde buzaqylyq jasap, dinsizdikti taratýǵa tyrysatyndar aqyret jaqsylyǵynan maqrum qalady.

Aqyret mekeni, jumaq taqýalar (Alladan qorqatyndar) úshin. Dúnıelik baılyqtyń mańyzdylyǵy joq. Máńgilik nyǵmet Alladan qorqyp, ámirlerin oryndap, kúnádan aýlaq bolǵandarǵa buıyrdy, olar osyndaı baqytqa jetedi. 

Álı (r.a.): «Bul aıat bıleýshiler men basqa da qudiretti adamdar arasynda ádil ári kishipeıil bolǵandar jaıly túsirilgen» - degen.

Omar bın Abdýlazız (rah.) bul aıatty qaıta-qaıta oqıtyn.

Hatam Taıdyń uly, jomarttyǵymen aty shyqqan Adıı Paıǵambarymyzdyń (s.a.ý.) aldyna kelgende Paıǵambarymyz (s.a.ý.): «Sen jer betinde tákapparlyq pen buzaqylyq jasamaıtynyńa kýálik etemin» - deıdi. Sonda ol birden musylman bolady.