AQYŃYZ BOLMAǴAN MALDY JEÝDEN SAQTANYŃDAR

Paıǵambarymyz (s.a.ý.) bylaı deıdi: «Adamdardyń basyna; tapqan malynyń adal joldan ba, álde haram joldan ba ekenine mán bermeıtin, sondaı bir zaman keledi». («Sahıh Buharı»)

Ádildik – basqanyń múligine kóz tikpeý, zulymdyq jasamaý. Ádildiktiń antonımi – zulymdyq, basqasynyń aqysyn jeý. Paıǵambar myrzamyz (s.a.ý.): «Zulymdyq jasaýdan saqtanyńdar! Óıtkeni zulymdyq júrekterińdi qırandyǵa aınaldyrady» - degen.

Qarym-qatynasta (saýda sattyq t.b.) bir-birińniń malyna jáne aqysyna barynsha mán berseńder, kelisimde aqy jeýden, qaıshylyqqa sebep bolatyn buzyq sharttardan saqtansańdar istiń sotqa deıin barýynan qutylasyńdar. Alda-jalda sotqa baryp jatsańdar sotty da, ózderińdi de ótirik, aılakerlik jáne para sııaqty haram nársemen kóndirýge májbúr bolmaısyńdar. Sotty buzyq jolǵa ıtermelemeı, zulymdyqtyń aldyn alyp, orynsyz bir-birińniń malyn jegen bolmaısyńdar. Tipti sot seniń paıdańa sheshilse ózińdi durys sanamaı, árýaqyt haqqa mán berýiń kerek. Halyqtyń malyn jemeı, saqtanyp júrseń joǵarylaısyń, úkimiń ótimdi bolady, mindetter durys oryndalady, Allanyń quldarynyń isi durys iske asady, búliktiń aldyna tosqaýyl qoıylady, baqytty ómir súresiń».

Paıǵambarymyzdyń (s.a.ý.) aldynda eki dushpan sottasýǵa kelgen edi. Paıǵambarymyz (s.a.ý.) bylaı dedi: «Men de sender sııaqty adammyn. Al sender meniń tóreligime júginesińder. Bireýiń dálelderińdi kem túsindirgende men de tyńdaǵanyma qaraı úkim berýim múmkin. Iaǵnı kimge baýyrynyń aqysynan bir nárseni úkim bersem (aqysyn ótkizip qoısam) oǵan ottyń bir bólshegin úkim qylǵan bolam».

Sol kezde eki kisi de jylap ekeýi de: «Meniń aqym baýyrymdiki bolsyn» dedi. Paıǵambarymyz (s.a.ý.): «Baryńdar, tekserińder, keıin bir birińe razylyq berińder» dedi.

Paıǵambarymyz (s.a.ý.) taǵy bir hadıs sháripte bylaı deıdi: «Jaratýshym Uly Alla meni kelisim jasasqan adamǵa nemese basqasyna zulymdyq qylýyma tyıym salǵan»