AQYLYŃDY KÓRSETSEŃ, ALLANY KÓRSETEIIN

Qudaıǵa senbeıtin ateıst bireý ımam Ábý Hanıfaǵa kelip:

 «Áı, Nuǵman! Sen Allany kóresiń be?», - dedi. Ábý Hanıfa:

 «Alla búkil kemshilikten pák, Ony eshbir kóz kóre almaıdy» dep jaýap qaıyrdy. Odan keıingi áńgime bylaı órbidi:

-          Sen Allany estısiń be? Sen Ony seze alasyń ba? Iisin seze alasyń ba? Sen Ony qolyńmen ustaı alasyń ba?
-          Rabbym búkil kemshilikten pák! Allaǵa uqsaıtyn eshbir nárse joq jáne Ol Bárin Esitýshi hám Bárin Kórýshi!
-          Sen Ony kórmeseń, esitpeseń, sezbeseń, ıisin sezbeseń, Onyń bar ekenine qalaı senesiń?
-          Al endi sen aıtshy, seniń aqylyńdy kóre alasyń ba?
-          Joq!
-          Aqylyńdy seze alasyń ba?
-          Joq!
-          Aqylyńdy estı alasyń ba?
-          Joq!
-          Qolyńmen ustaı alasyń ba?
-          Joq.
-          Sonda sen aqyldysyń ba, aqymaq jyndysyń ba?
-          Ol ne degeniń, aqyldymyn.
-          Aqylyń qaıda sonda?
-          Bar ǵoı, bar!
-          Mine, sol sekildi Alla da bar. Alla barlyq nárseden joǵary. Odan ústem eshteńe joq. Ol sheksiz ilimimen (jáne sheksiz Qudiretimen) barlyq nárseni túgel qamtyp turady.  Allaǵa uqsaıtyn eshbir nárse joq jáne Ol Bárin Esitýshi hám Bárin Kórýshi!

 Qudaısyz qul úndeı almaı qala beredi.