AMANAT TÚSINIGI

Adamdardyń amanat etken múlkin qorǵaýǵa, berilgen isti laıyqty oryndaýǵa mán berý qajet. Senimdi bolý, qoǵamdyq ómirde óte qajet. Senimdilik, ózi men sózi birdeı bolý, qoǵamda joǵary baǵalanatyn qasıetter. Isinde týralyqtan aınymaıtyn, bergen sózinde turatyn, amanat berilse amanatqa qııanat jasamaıtyn adamdar, qoǵamda qashanda qurmetke ıe bolady. Rabbymyz, «Eı, ıman etýshiler! Allaǵa jáne Paıǵambarǵa qııanat jasamańdar. Bile tura óz (aralaryńdaǵy) amanattaryńa da qııanat jasamańdar» deıdi. (Ánfal súresi, 27-aıat). Quran Kárimde múminderdiń erekshelikterin sanamalaǵan kezde «Olar, amanattaryn jáne bergen sózderin oryndaıdy» (Múmınýn súresi, 8-aıat) delinedi.

 Paıǵambarymyz, amanatqa qııanat jasaý ekijúzdiliktiń belgisi ekendigin  aıtady.(Buharı, «Iman»,24) Múmınder, Paıǵambarymyzdyń «ámın(senimdi)» ekendigin eshqashan esten shyǵarmaı, qoǵamda senimdi, úlgili adam bolýǵa tyrysýlary kerek.