AMALDARDYŃ ALLAǴA USYNYLÝY

07 aqpan 2024 628 0
Оqý rejımi

Ibn Abbastan (r.a.) rıýaıat etilgen hadıs boıynsha árkimniń jaqsy-jaman isteri, tipti iship-jegeni, aıtqany, kórgeni men tyńdaǵany jazylyp, Allaǵa usynylady. Amaldardyń usynylýy eki jolmen júzege asady. Biri – tańerteń jáne keshke júzege asatyn jalpy usyný. Ekinshisi – dúısenbi jáne beısenbi kúnderi bolatyn arnaıy usynys.

Ábý Hýraıradan (r.a.) rıýaıat etildi: «Paıǵambarymyz (s.a.ý.) bylaı deıdi: «Amaldar dúısenbi jáne beısenbi kúnderi (Allaǵa) usynylady. Men de amaldarymnyń oraza ustaǵan kezimde usynylýyn qalaımyn».

«Sahıh Múslımde» Ábý Musa ál-Áshǵarı (r.a.) rıýaıat etken hadıste túnde jasalǵan amaldar sol túnde usynylyp, kúndiz jasalǵan amaldar sol kúni Allaǵa jan-jaqty usynylatyny aıtylǵan. Shaǵban aıynyń 15-shi túni (ıaǵnı, Baraat túni) men Qadir túninde  kisiniń jyl boıy jasaǵan amaldary usynylady.

Buǵan qatysty mynadaı  rıýaıat bar. Amalǵa jaýapty perishteler aýysyp qyzmet atqarady. Olardyń keıbireýleri dúısenbiden beısenbige deıin amaldardy jazyp, beısenbi kúni aspanǵa kóteriledi. Endi biri beısenbiden dúısenbige deıin jazyp, dúısenbide aspanǵa kóteriledi. Ár top aspanǵa kóterilgen kezde, jazyp alǵan amaldaryn Allaǵa usynady. Degenmen, ǵaıyptan tolyq habardar Alla quldarynyń barlyq isterin biledi. Oǵan perishtelerdiń habarlaýy, usynýy qajet emes. Óıtkeni Alla ýaqyt pen keńistikke muqtaj emes. Bolyp ketken jáne bolatyn barlyq nárseden habardar, umytý jáne qatelik degennen ada. Amaldardy perishtelerdiń usynýynyń syry bolsa, aqyrette belgili bolmaq.

 

Pіkіrler Kіrý