AMAL DÁPTERINIŃ OŃ NEMESE SOL JAǴYNAN BERILÝI DEGEN NE?
Mahsharda kitaby (amal dápteri) adamǵa ońynan; oń jaǵynan ıakı sol jaǵynan berilýi degen sózdiń mańyzdy qyrlary bar:
Ońnan berilgeni adamnyń bir isti óz qolymen istegenin, óz qudiretimen, óz aılasymen qalaýynsha jasaǵanyn, qol jetkizgenin bildiredi. Oń qolmen istegeni myǵym, durys, laıyq, ózine tıimdi; sol qolymen istegeni bolsa, teris jasaǵanyn, keıinge qaldyrǵanyn, selqostyq tanytyp, basqaǵa senim artý sekildi maǵynalar bildiredi. Sol úshin “Hasánat (izgi amaldardy) jazatyn perishteler oń jaqta, jaman amaldardy jazatyn perishteler sol jaqta” degendeı, “Perishte ońnan, shaıtan soldan keledi” degen de bar. Jáne jaqsy amal jasaǵandarǵa kitaptary ońnan, jaman amal jasaǵandarǵa bolsa sol jaqtan beriledi.
“Beriledi” degen sóz, báriniń Allanyń táýfıǵi, taǵdyry, úkimi jáne ıjrasyna baılanysty bolýyna oraı ekenin bildiredi. Óıtkeni “Biz ár adamnyń peshenesine jazylǵan jaqsy, jaman barlyq isterin óziniń moınyna artyp qoıdyq” degen maǵynadaǵy Isra súresiniń 13-shi aıaty boıynsha, jaratý, buıryq jáne úkim berý Alla Taǵalaǵa tán bolýmen qatar, adamnyń jaýapkershiligi yqtııarymen (óz yrqymen, qalaýymen jasaǵan) is-áreketine baılanysty. Solaı bolǵandyqtan, adamnyń istegen qaıyry ne zulymdyǵy, jaqsy ne jaman isteri óz qalaýymen jasalǵandyqtan, amaldaryn dápterge jazatyn perishtelerge, hatshysyna tapsyrma bergendeı, ózi qolyn qoıyp jazdyratyndyǵy úshin ózi jazǵan sanalady.
Eger jazdyrǵan, esebine engizgen is-áreketter alda Haqtyń quzyrynda ózin qara bet qylmaıtyn salıh, durys, ras amaldar bolsa, ol dápter ózine tıimdi, baǵaly, qadirli, óz esebine ádemi jazýmen tirkelgen dápter bolmaq.
Jáne kitabyn; dápterin, qujatyn oń qolymen alǵan sanalady. Endi ol jaıly meken, joǵary Jánnatta.
Jáne Allaǵa kúpirshilik etken, haq pen qaıyrdy jaqtyrmaǵan aramtamaqtyqpen teris júrgen adamdardyń esebi bolsa, unamsyz teris jaqtan kóringen jáne úkimi, dápteri de ózine qarsy jaqtan, solynan beriledi.
