ALLANYŃ RAHYMYNA BÓLENÝ ÚShIN SALIH AMAL JASAÝ

Paıǵambarymyz (s.a.ý.) bylaı deıdi: «Alla taǵala meıirimin júzge bóldi. Onyń toqsan toǵyzyn saqtap qoıyp, bireýin jer betine túsirdi. Osy bir meıirim sebebimen dúnıedegi barlyq jaratylys bir-birine meıirimdilik tanytady. Tipti jylqy da qulynyn jaraqattaýdan qorqyp, tuıaǵyn kóteredi».

Taǵy bir hadıste Paıǵambarymyz (s.a.ý.): «Rasynda, Allanyń júz meıirimi bar. Alla onyń bireýin jerge túsirdi. Bul qııamet kúnine deıin barlyq jaratylysqa jetetin meıirim. Qııamet kúni Alla taǵala sol bir raqymyn toqsan toǵyz meıirimine qosyp júz qylady. Osy júz meıirimniń barlyǵy Allanyń salıh amal jasaǵan múmınderi men áýlıe quldaryna arnalǵan», - deıdi.

Fakıh Ábýl-Láıs Samarqandı (rah.) osy hadısterge qatysty bylaı deıdi:

«Paıǵambarymyz Muhammed (s.a.ý.) osy hadısteri arqyly úmmetine Allanyń meıiriminiń qanshalyqty úlken ekenin habardar etip, Allanyń meıirimine shúkirshilik pen madaq aıtýdy jáne salıh amal jasaýdy meńzep otyr.

Kimde-kim Alla taǵalanyń raqymyna bólengisi kelse, izgi amaldar jasaýy kerek. Bir amaldyń salıh bolýynyń eki sharty bar. Biri, Alla razylyǵy úshin shyn yqylaspen jasaý bolsa, endi biri Paıǵambarymyzdyń (s.a.ý.) súnnetine saı bolýy. «Káhf» súresiniń 110-shy aıatynda: «...Kimde-kim Allanyń razylyǵyna qol jetkizgisi kelse, ıgi ister istesin jáne Rabbysyna ǵıbadat etýde eshkimdi serik qospasyn», - delingen.