ALLANYŃ NYǴMETTERINE BAǴYTTAITYN TÝRA JOL – ISLAM DINI

20 aqpan 2024 650 0
Оqý rejımi

Islam dini – Allanyń nyǵmetterine aparar haq jol. Quran Kárim arqyly baıandalatyn dinniń eń mańyzdy qaǵıdalary osy uly kitaptyń kilti bolyp tabylatyn «Fatıha» súresinde ǵylymı kirispe túrinde baıandalǵan: Myna bizdiń aınalamyzdaǵy ár bir nársesi belgili bir ýaqyt aralyǵynda, minsiz júıemen jaratylyp, aqyrynda joıylyp, joq bolyp ketetin álemniń jáne adamdardyń bir ǵana jaratýshysy bar. Bul dúnıe ózdiginen paıda bolmady. Allanyń jaratýymen, onyń tárbıesimen kemeldikke jetti, onyń basqarýymen joq bolady. Eshbir nárse Onyń múlkinen tysqary shyǵa almaıdy.

Álemderdiń Rabbysy Alla taǵalanyń kórkem esimderi men sıpattary bar. Alla – «Rahman». Ol óziniń barlyq jaratylysyn nyǵmetimen aldyn ala jarylqaıdy. Eshbireýin bólip-jarmaıdy. Alla taǵala - «Rahım». Adamdarǵa aqyl, oı, erik berip, olardy erikti qylyp jaratty. Adamdarǵa beretin nyǵmetterin olardyń eńbek etý qabiletine jáne tabys tabýyna baılanystyrady. Sońynda adamdarǵa óz qalaýy men tańdaýlary arqyly jetken kámil ımandary men izgi amaldaryna qaraı saýap ta beredi.

Alla taǵala - «Málıkı ıaýmı-ddın». Dúnıe tirshiliginen keıin ájir-saýap pen jaza kúni de bar. Ol aqyrettiń jalǵyz ıesi. Ol adamdardy óz isteri úshin jaýapqa tartady. Amaldary men ıgi isteri saýapqa laıyq pendege jaqsylyq bergenindeı, laıyqty emesterdi de jazaǵa tartady. Maqtaý, madaq, shúkirshilik tek osy sıpattardyń ıesi Allaǵa tán.

Adamdar bar qurmet pen madaqty tek Allaǵa arnaýy kerek. «Ýa, Alla! Biz tek Saǵan ǵana qulshylyq etip, Senen ǵana járdem tileımiz» dep, muny sózben de, ispen de árdaıym kórsetý kerek. Osy asqaq rýhtyń dánegi kisiniń ar-ujdanyna egilgen soń, ony únemi ósirip, sýaryp otyrý kerek. Sosyn Alladan meıirimi men sheksiz nyǵmetine jetkizetin týra jolǵa salýyn suraý kerek.

«Ýa, Rabbym! Bizdi týra jolǵa sala kór, seniń qaharyńa ushyraǵandardyń nemese adasýshylardyń jolyna emes, seniń jarylqaýyńa ıe bolǵandardyń jolyna sala kór», - degen duǵany únemi qaıtalap otyrý kerek.

 

Pіkіrler Kіrý