ALLAǴA DEGEN IMANNYŃ DÁMI MEN TÁTTILIGIN SEZÝ ÚShIN!
Súnnetke saı dáret alyp, tynysh bólmege kirip, qubylaǵa qarap jalǵyz ózińiz Allamen jeke qalyp kórińizshi. Kúndiz bolsyn, meıli túnde bolsyn, báribir. Tek ózińiz ǵana.
Sosyn Allaǵa maqtaý, Paıǵambarǵa salaýat aıtyńyz. Bar bilgen maqtaý men salaýattaryńyzdy aıtyńyz. Sosyn ishteı nemese syrttaı báseń daýyspen Allamen sóılesińizshi.
Ózińizdi Jalǵyz Janashyryńyzdyń, Naǵyz Qamqorshyńyzdyń, myna dúnıedegi Qorǵanyńyzdyń aldynda otyrmyn dep esepteńiz. Súıikti ári Meıirimdi Alla menimen birge dep oılańyz.
Shynymen de Ol árdaıym sizben birge. Sonan soń ishińizdegi jaman-jaqsy syr-qupııalaryńyz ben barlyq ókinish-armandaryńyzdy ashyp-ashyp aıtyńyz. Járdem tileńiz, shapaǵat surańyz. Barlyq qıynshylyqtar men qýanyshtaryńyzdy aıtyńyz. Jan tánińizben berilip aıtyńyz.
Sonda Allany ózińizge jaqyn sezinesiz. Jylap jiberesiz. Eki ıyǵyńyzdyń qalaı selkildegenine, solq-solq etip kózden yrshyp shyqqan jastyń qalaı shyqqanyna tań qalasyz. Betińizdi qoldaryńyzben basyp jylaısyz, kóz jasyńyzdyń tizeńizge tamshylaǵanyna kýá bolasyz. Bul Allaǵa degen mahabbat. Kórińiz namazhan bolsańyz da, bolmasańyz da. Múmkin sodan keıin júregińizdegi Allaǵa degen ımannyń dámin, táttiligin sezinersiz.
