ALLADAN QORQÝDYŃ BELGILERI

01 jeltoqsan 2023 1282 0
Оqý rejımi

Hıjr súresiniń 49 jáne 50-shi aıattarynda -maǵynasy-: “(Ýa, Muhammed!): Quldarymdy Meniń shynymen óte keshirimdi, (ásirese, múmin quldaryma) erekshe meıirimdi ekenimnen habardar et! Sonymen qatar, azabym da jantózgisiz” deıdi. Sol sebepti pende Alla Taǵaladan qorqýǵa, biraq raqymynan da úmitti úzbeýge tıis. Óıtkeni qorqynysh pen úmit múmin úshin qos qanat tárizdi. Solar arqyly Alla Taǵaladan kútkenine qol jetkizedi, qoryqqanynan aman qalady.

Luqman hakim ulyna bylaı degen: Alla Taǵaladan úmitiń bylaı bolýǵa tıis; bul kúı seni Onyń azabynan qaýipsizbin dep oılatpasyn. Alla Taǵaladan qorqynysh da bylaı bolsyn; bul kúı saǵan Onyń raqymynan úmitińdi úzdirmesin.

Fakyh Ábýlláıs ás-Samarqandı (rah.) aıtqan: “Adamnyń Alla Taǵaladan qorqatynynyń belgisi segiz nársede belgili bolady:

Tilinen/sózinen belgili bolady. Alla Taǵaladan qorqatyn adam tilin jalǵannan, ǵaıbattan jáne paıdasyz kez kelgen sózden qorǵaıdy. Tilin tek zikir, Quran kárim tılaýáti jáne ilim talqylaýǵa arnaıdy.

Qarnynan/asqazanynan belgili bolady. Alladan qorqatyn adam tek halalynan iship-jeıdi. Ol da qajet mólsherden aspaıdy.

Kózinen belgili bolady. Haramǵa qaramaıdy, dúnıege qyzyǵyp qaramaıdy. Onyń ár qaraǵany tek ǵıbrat úshin bolady.

Qolynan belgili bolady. Qolyn eshqashan haramǵa sozbaıdy. Tek Rabbyna boıusyný úshin qoldanady.

Aıaǵynan belgili bolady. Alla Taǵalaǵa qarsy jolda júrmeıdi. Tek boıusyný úshin ǵana júredi.

Júreginen belgili bolady. Júreginen Alla Taǵalanyń quldaryna degen óshpendilik pen jaýlyqty shyǵarady. Júreginde dindes baýyryna tek meıir men nasıhat sezimi ǵana bolady.

Jasaǵan ǵıbadattarynan belgili bolady. Ǵıbadattarynda tek Rabbynan qorqady, tek Allanyń rızashylyǵy úshin amal jasap, rııa men nıfaqtan saqtanady.

Qulaqtarynan belgili bolady. Tek qana haqty estıdi, al haramǵa qulaǵy jabyq bolady”.

Pіkіrler Kіrý