ALLA TAǴALANYŃ RAQYMYNAN ÚMIT ÚZILMEIDI

23 qarasha 2023 1213 0
Оqý rejımi

Bir arab Paıǵambarymyzǵa (s.a.ý.) kelip, “Ýa, Rasýlýllah! Men tek Ramazan orazasyn ǵana ustaı alamyn, odan artyq nápil oraza ustaı almaımyn. Jáne tek bes ýaqyt namaz ǵana oqı alamyn, odan artyǵyn oqı almaımyn. (Mal-múlkim az bolǵandyqtan) Alla Taǵala men tábaráká úshin dúnıeme zeket túspeıdi, (múmkinshiligim bolmaǵandyqtan) qajylyq ne ýmra jasamadym. Osy kúıde men ólgenimde ne bolamyn?” dep suraıdy.

Paıǵambarymyz (s.a.ý.) “Jánnatta (bolasyń)” deıdi. Arab sonda: “Sizben birge me, ýa, Rasýlalla?” dep suraıdy. Paıǵambarymyz (s.a.ý.) sonda kúlimsirep bylaı deıdi:

“Iá. Eger júregińdi musylmandarǵa qarsy qýlyq pen qyzǵanyshtan, tilińdi ǵaıbat pen jalǵannan, kózderińdi musylmanǵa mensinbeı jáne Alla Taǵala haram qylǵan nárselerge qaraýdan saqtasań, (múbárak saýsaqtaryn biriktirip) mine, myna ekeýindeı menimen qatar Jánnatqa kiresiń”.

Basqa bir arab kelip “Ýa, Rasýlalla! (Mahshar kúni) maqulyqtardan esepti kim alady?” dep suraıdy. Paıǵambarymyz (s.a.ý.)  “Qudiretti Alla Taǵala” deıdi. Arab  “Jeke ózi me?” suraıdy. Paıǵambarymyz (s.a.ý.) “Iá” degende álgi arab jymııady.

Rasýlýllah (s.a.ý.) odan jymııýynyń sebebin suraıdy. Ol aıtady:

“Sóz joq, Kerim bolǵan Alla Taǵala (qulyna kúnási úshin azap kórsetýge) qudireti jetse de keshiredi jáne esep alǵan kezde de túsinistikpen áreket eter”. Onyń myna sózine Paıǵambarymyz (s.a.ý.):

“Durys aıtty! Esterińde bolsyn! Azzá ári Jálla Alladan Kerim (jomart ári keshirimshil) eshkim joq. Rasynda ol jomarttardyń eń jomarty” degen soń, “Arab óte jaqsy bildi” deıdi.

Pіkіrler Kіrý