ALLA TAǴALAǴA IMAN

Imannyń alty shartynyń eń áýelgisi – Alla Taǵalaǵa ıman. Aqyl-esi bútin, kámelet jasyna tolǵan árbir jeke adamnyń eń alǵashqy jáne eń mańyzdy mindeti – Alla Taǵalanyń bar jáne bir ekendigine ılaný, ıman keltirý. Aınalamyzǵa qarasaq, eshbir nárseniń ózinen-ózi, kezdeısoq jaratylmaǵanyna kózimiz jetedi. Osynaý ǵajaıyp jaratylystyń sheksiz Qudiretti Jaratýshysy mindetti túrde bolýy tıis.
Qolymyzdaǵy saǵattyń, kóz aldymyzdaǵy ǵımarattyń jasaýshy ustasy bolmaıtyn ba edi? Kúmánsiz, bar. Ol nárselerdiń ózinen-ózi paıda boldy degen oıdy aqyl qabyl ete me? Álbette, qabyl etpeıdi.
Olaı bolsa, shegi-qıyry joq alyp ǵalamnyń da, tańǵajaıyp sheberlikpen jaralǵan adamnyń da «Uly Ustasy» bar.Al osynaý jaratylystyń keremet úılesimmen, aqaýsyz jumys istep turǵany Allanyń jalǵyz ekenin kórsetedi.

Endeshe, eń basty mindetimiz, bizdi jaratqan jáne tirshilik bergen Alla Taǵalaǵa ıman etý, Oǵan pende bolyp baılaný.