ALLA RIZALYǴY MEN ALLADAN QORQÝDYŃ QAJETTILIGI

قَالَ رَسُولُ اللهِ صَلَّى اللهُ عَلَيْهِ وَسَلَّمَ: كَرَمُ الْمَرْءِ دِينُهُ وَمُرُوءَتُهُ عَقْلُهُ وَحَسَبُهُ خُلُقُهُ. (قط)

Paıǵambarymyz (s.a.ý) bylaı dedi:

 «Adamnyń qadiri – dinı taqýalyǵymen, adamgershiligi – aqylymen, tektiligi men qurmettiligi – minezimenen bolady». (Súnán Daraqutnı)

Paıǵambarymyz (s.a.ý):

 «Úıinen shyqqan árbir kisi álbette eki tý astyna alynady. Onyń bireýi bir perishteniń, kelesisi de bir shaıtannyń qolynda bolady. Eger ol adam Alla rızashylyǵy úshin syrtqa shyqsa, perishte qolyndaǵy týymen onyń artynan eredi. Ol úıine qaıtqanǵa deıin perishteniń týynyń astynda bolady. Al eger Allanyń rızashylyǵy bolmaǵan nárseler úshin shyqqan bolsa, shaıtan týymen artynan erip, úıine qaıtqanǵa deıin shaıtannyń týynyń astynda bolady» - degen. 

Ábý Qatada men Ábý Dahma (r.a.) bylaı degen:

 Shól dalada bir adammen keziktik, ol bylaı dep aıtty: Paıǵambarymyz (s.a.ý) myna qolymdy ustap turyp, Allanyń ózine úıretkenin maǵan úıretti. Solardyń bireýi de mynaý edi: «Sen Alladan qorqyp, neni tastasań (tárik etseń), álbette Alla taǵala saǵan, odan da qaıyrlysyn beredi».

Ibrahım ıbn Ádham haziretlerinen: Adamnyń kóńili ne úshin Alladan uzaqtaıdy? – dep suraǵanda ol:

 «Adam kóńili, Allanyń jek kórgen nárselerin jaqsy kórgende Alladan uzaqtaıdy. Iaǵnı adam, dúnıeni jaqsy kórip, bul aldamshy, oıyn-saýyqqa berilip, máńgilik ómir men sheksiz-shetsiz nyǵmetterge toly aqyret úshin amaldy tastasa, Allanyń jaqsy kórmegenin jaqsy kórgen bolady» - dep jaýap bergen.