ALLA QANDAI QULDARYN SÚIEDI?

Alla Taǵala baılyqty súıgen de, súımegen de qulyna beredi. Al ımandy tek súıgen qulyna ǵana beredi. Eger siz ıslamnan baqyt taýyp, paryzdaryńyzdy túgeldep júrseńiz – óz boıymda Alla súıgen quldyń bir sıpaty bar dep esepteı berińiz. Ǵulamalar bul baqytty jannyń taǵy da birneshe sıpatyn kórsetedi:

1. Alla súıgen qulyn dúnıege berilip ketýden qorǵap turady.

2. Qulyn kórkem túrde basqarady. Ony haq jolǵa bastaıdy, týra isterge jetekteıdi. Aqylyn nurlandyryp, tilin zikirmen toltyryp, dene múshelerin ózi súıgen amaldarmen shuǵyldandyryp qoıady. Osynyń arqasynda pende Allaǵa jaqyndatatyn árbir nárseden ustanyp, onyń ashýyna tıetin barlyq isten alys bolady. Alla onyń ishki jáne syrtqy dúnıesin durystap, bekem etip qoıady.

3. Bul adam basqalarmen qarym-qatynasta sypaıy ári jumsaq keledi. Ár isti qıyndatpaı, ońaı jolmen atqarady. Alla Taǵala bul pendesine jerdiń betin jaıdarly etip qoıady. Iaǵnı, adamdardyń kóńili soǵan burylyp, maqtaýlar aıtyp, iltıpat bildirip jatady.

5. Synaqqa ushyraıdy. Aqıqatynda, Alla bir qaýymdy súıse, synaq jiberedi. Sondaı-aq, Alla Taǵala: «Bilińder! Aqıqatynda, Allaǵa jaqyn bolǵandarǵa qorqynysh joq ári olar qaıǵyrmaıdy. Olar – ımanǵa kelgen jáne taqýalyq etkender» («Iýnýs» súresi, 62-aıat) degen. Iaǵnı, Allanyń súıikti quly kez kelgen synaqty kúlip qarsy alady.

6. Allanyń súıiktisi bolǵan qul izgi amal ústinde jan tapsyrady. Paıǵambarymyz (s.ǵ.s.): «Eger Qudiretti Allam bir qulyna jaqsylyqty qalasa, ony adamdar arasynda maqtaý sózdermen estetip qoıady. «Onyń bulaı estetilý sebebi nede?» dep suraǵan adamǵa: «Alla oǵan óler aldynda bir izgi amaldy násip etedi. Onyń janyn sol amal ústinde alady» dep aıtqan.

    Súıý, súıikti bolý baqytyn, bul sezimderdiń uly jemisin árbir adamǵa tilegimiz keledi.