Alla meni súıedi me?

Bir kúni osy suraq oıyma keldi. 

Alla Taǵalanyń pendelerine mahabbaty pendelerdiń boıynda Quranda aıtylǵan sıpattardyń, qasıetterdiń tabylýymen bolatyndyǵy esime tústi. Ózimdi salystyrý maqsatymen Quranda aıtylǵan sıpattardy oı eleginen ótkize bastadym.

Qarasam, Alla taqýa quldaryn súıedi eken. Ózimdi taqýalarǵa jatqyza almaımyn. 

Qaıta oılandym. Alla Taǵala ıhsan deńgeıine jetken (mýhsın) quldaryn súıedi eken. Ihsan qaıda men qaıda?!

Qaıta oılandym. Alla Taǵala taǵy sabyrly quldaryn súıedi eken. Mende sabyrlylyq bar ma? Sirá, mendeı sabyrsyz adamdar az bolar!

Qaıta oılandym. Qarasam, Alla óz jolynda kúresýshilerdi súıedi eken. Túnniń úshinshi bóliginde ústimnen kórpeni alyp tastaýda shaıtannan jeńilip jatqanda qaıdaǵy kúres!?

Əri qaraı izdesem, boıymnan Allanyń mahabbatyna laıyq etetin birde bir sıpat tabylmaı qala ma dep qorqyp, tula boıymdy úreı bıledi. Izdeýdi shart toqtattym. 

Amaldarymdy pikirledim. Jalqaýlyq, nemquraılyq aralas eken. 

Sol kezde oıyma Alla təýbe etýshilerdi súıedi degen Jaratýshymnyń sózi keldi.

Bul aıattyń men jəne maǵan uqsaǵandarǵa arnalǵan ekendigin jańa ǵana uqqandaı boldym. Eriksiz:

Allam ózińe təýbe ettim, kúnəlarymdy kesh. 
Allam ózińe təýbe ettim, kúnəlarymdy kesh. 
Allam ózińe təýbe ettim, kúnəlarymdy kesh, – degen sózdi bəseń daýyspen qaıtalaı bastadym. 

Bálkim, osy sózderimmen Alla Taǵalamnyń súıikti quldarynyń qataryna kirip qalarmyn... Sheıh Alı Tantaýı

Jazba Ersin Ámireniń Feısbýk paraqshasynan alyndy