Alǵash ýahı túsken Hıra úńgiri

Hıra – erekshe mártebege ıe bolǵan úńgir. Bul úńgirde adamzattyń ardaqtysy Muhammedke (s.ǵ.s.) paıǵambarlyq keldi. Jábireıil (ǵ.s.) perishte álem Rabbysynyń elshisine alǵashqy Quran aıattaryn túsirdi. Paıǵambarlyqtan aldyn Alla elshisi (s.ǵ.s.) Hıra úńgirinde qylýet etip, qulshylyqta bolatyn. Bul jaıynda musylmandar anasy Aısha (r.a.) «Ol kisi Hıra úńgirinde qylýette qalyp, qulshylyq etetin»,[1]– deıdi.

Hıra úńgiri Mekkeniń joǵarǵy jaǵynda, ál-Haram meshitiniń soltústik shyǵysynda ornalasqan. Mına jazyǵy jolynyń sol jaq betinde. Mekke men Hıra úńgiri arasyn 4,8 km. 634m bıiktikte ornalasqan.

Mekke halqy bul úńgir ornalasqan taýdy Nur taýy dep ataıdy. Úńgirdiń kirer aýyzy soltústikke qaraǵan. Ishine toǵyz adam emin-erkin otyra alady. Ishiniń bıiktigi orta boıly kisi tik tura alatyndaı shamada.

Eskere keterlik jaıt, Hıra úńgirine baryp qulshylyq etý qajylyqtyń sharty emes. Tarıhı oryn retinde, baryp ǵıbrattanýǵa bolady. Odan artyq áreket jasaýǵa bolmaıdy.

Rýslan Kambarov
Muslim.kz muraǵatynan