ÁKENIŃ AQYLY

Uly ákesine kelip:

- Bitti, ajyrasamyn! Anam durys aıtady - kelinshegim jalqaý. Qashanǵy shydaımyn?-dedi.

Ákesi:

- Keshir balam,-dedi oǵan.

- Ne úshin keshirýim kerek?

- Únemi anańmen jaqsy qatynasta bolmaǵanym úshin. Oıyńda ajyrasý týraly oıdyń bolýyna men kinálimin.

- Sonda ajyraspaýym kerek pa?

- Ajyraspa... Eshqandaı ajyrasý týraly oıyń bolmaıtyn bolsyn.

- Sonda ómir boıyna shydap júre berýim kerek pa?

- Sońyna deıin shydaýdyń qajeti joq. Sen kelinge shydap júrgen joqsyń, sen ózińniń oǵan degen qarym-qatynasyńa shydap júrsiń. Óziń ózgere alsań, ol da ózgeredi.

- Sonda qalaı ózgeredi?

- Kelinime Qudaı saǵan úıretkendeı qara. Ol - saǵan Qudaı bergen syı! Seniń qýanyshyń... Seniń kómekshiń... Balalaryńnyń anasy... Ol seniń qolyńa bergen bir álsiz qumyradaı, sen ony názik kúıinde abaılap ustap, saqtaýyń kerek... Qalǵanynyń bári - túkke turmaıtyn usaq-túıek! Eger qazir kelinimniń qolynan bir nárse kelmese, ýaqyt óte kele úırenip ketedi. Seniń de qolyńnan barlyq nárse birdeı kele bermeıdi ǵoı...

Eger qolynan bir nárse kelmeı jatsa, shamańa qaraı mahabbatyń men kúshińe salyp, jasyryp, bildirmeýge tyrys... Eger bir nárseni bilmeıtin bolsa, keshke sháı iship otyryp, ıyǵynan aıalaı qushaqtap aqyryn jetkizýge tyrys. Sen ekeýińniń joldaryń - ol tek senderdiń joldaryń. Senderdiń mahabbattaryń - ol tek senderdiki. Kim kókeıińe oǵan degen jek kórinish “salatyn bolsa”, sol senderdiń otbasylaryńnyń dushpany. Tipti ol seniń anań nemese aǵań bolsa da... Meıli ol eń jaqyn joldasyń bolsa da. Olardy bul úshin aıyptama. Keshire sal. Jáne olardyń árqaısysyna sen ózińniń áıeliń, óz mahabbatyń úshin, qajet bolsa oılanbastan táýekelge baryp, ólip kete alatynyńdy jetkiz, eshkimge óz otbasyńa sóz tıgizýge múmkindik bermeıtinińdi aıt...

- Kezinde sizderdi de ajyratpaq bolyp pa edi?

- Biz aramyzǵa “ot salýshylar” bolmasa da anda-sanda urysyp turatynbyz. Aqymaq ekenbiz ǵoı sonda, tákappar edik... Al senderde múlde basqa zaman. Eń bastysy senderdi eshkim Qudaıdan alshaqtatyp jatqan joq. Qudaıdan danalyq suraýdan sharshamańdar. Bir-birińe jol bere bilińder...

Bir-birińdi aıap, jubatyp otyryńdar... Bilmeıtin bolsań bilip al, mahabbat ta ósedi. Onyń ulyqtyǵy men qymbatshylyǵyn tek qartaıǵan shaǵyńda, sol kelinshegińdi únsiz, aıalaı qushaqtap otyrǵan kezińde biletin bolasyń...

Nadejda Lıýbarskaıa

aýdarǵan Júrsin Kárim