ADAMNYŃ JARATYLÝY

 Dúnıedegi alǵashqy adam – Hazreti Adam atamyz ben Haýa anamyz. Alla taǵala Adamdy topyraqtan jaratqan. Oǵan Óz rýhynan úrlep, jan berdi. Sonda barlyq perishteler Alla taǵalanyń ámirimen Adamǵa taǵzym etip, aldynda ıilip, qurmet sájdesin jasaǵan edi. Biraq Ibilis ózin Adamnan joǵarymyn dep kókirektenip, sájde etpegeni úshin Allanyń meıiriminen qýylǵan.

       Adamnyń jaýyrynynan hazreti Haýany da jaratqan.

       Jánnatqa ornalastyrǵan osy alǵashqy eki pendesine Uly Jaratýshy bir aǵashtyń jemisin jeýge tyıym saldy. Qyzǵanshaqtyǵynan kúıip janǵan shaıtan jolyn taýyp, olarǵa sybyrlap jaqyndady da: «Rabbylaryń senderdi osy aǵashtan, ekeýiń perishte bolyp ketedi nemese máńgi qalyp qoıady dep qana tyıǵan» - dedi.

       Olar shaıtan jaqsylyq isteıdi dep oılap, tyıym salynǵan aǵashtyń jemisin jedi de, Alla taǵalanyń azabyna dýshar boldy. Keıin Alla taǵalanyń meıirimi tasyp, olarǵa myna duǵa sózderin úıretti:

       «Ol ekeýi «Rabbymyz, biz ózimizge zulymdyq istedik. Eger sen bizdi jarylqap, marhabatyńa bólemeseń, sózsiz, zııan etýshilerden bolamyz» - dedi» («Araf» súresi, 23-aıat).

       Hazreti Adam men Haýanyń duǵasy qabyl boldy, biraq jánnat ómiriniń ornyna, aldymen dúnıede qıynshylyqqa toly synaqtan ótip, aqyret kúni qatań esepke tartylǵan soń jánnatqa kire alatyndaı etip, dúnıege túsirildi. Osylaısha Adam men Haýa jáne olardyń dúnıege kelgen balalarymen kóbeıgen adam ómiri jer betinde bastalǵan boldy.

       «Ant etemiz! Biz adamdy balshyqtyń mańyzynan jarattyq. Odan soń ony berik orynda (jatyrda) sháhýát tamshysyna aınaldyrdyq. Odan soń sol tamshyny aláqaǵa (uryqtanǵan jumyrtqaǵa) aınaldyrdyq. Artynan álaqany kesek etke aınaldyrdyq. Sodan soń osy bir shaınam etti súıekke aınaldyrdyq. Súıekterdi etpen qaptadyq. Sońynda ony basqa bir jaratylyspen adm haline aınaldyrdyq. Jasap jaratýshylardyń eń kúshtisi    Alla asa uly» («Mýmınýn» súresi, 12-14-aıattar).

       «Men jyndardy jáne adam balasyn tek Maǵan qulshylyq etýleri úshin ǵana jarattym» («Zárııat» súresi, 56-aıat).