ADAMNYŃ SYRT BEINESI ALDAMShY...

18 qarasha 2026 350 0
Оqý rejımi

Oı salarlyq ǵıbratty áńgimemiz - Ispanııadaǵy iri restorandar júıesiniń ıesi - Don Montero esimdi keń júrekti kásipkerge arnalady.

Ol jaǵdaıyn jasap, ábden baıyǵan soń jaǵdaıy tómen, muqtaj otbasylarǵa kómek berýdi maqsat etedi. Bir kúni jaǵdaıy joq jandardyń janyn túsiný úshin ózi qaıyrshy keıpine enip qala aralaýǵa shyǵady.

Aldymen, osy keıpinde óz meıramhanalaryna kirmek bolady. Ne bolady deısiz ǵoı...

Ózi jumysqa alǵan meıramhana admınıstratory «bomj» sııaqty kıingen Monteroǵa dereý meıramhanadan shyǵýyn buıyrady. Al bul qarny ash ekenin, kóp ýaqyttan beri tamaq jemegenin aıtyp jalynady.

- Basty qatyrmaı, shyq! Aldymen jýynyp kel, kıimińdi aýystyr, sosyn kelip basqalardyń tamaq jegenine qarasań bolady... Bul Elıtalyq restoran, sen sııaqty bısharalarǵa kirýge ruqsat joq, - dep óz bastyǵyn qýyp shyǵady.

Mássaǵaaan... Montero mundaıdy kútpedi! Basqa qyzmetkerlerine úmitpen qarady. Joq... olar da admın hanymnyń sózin sóılep álek... Bári biz aýyzdan: ShYQ!, - dep til qatady.

Sodan Montero ekinshi meıramhanasyna bet burady. Ózi jumysqa alǵan, qasynda únemi úndemeı júrgen momyn aspaz:

 «Eger qarnyń ash bolsa, meıramhananyń artqy jaǵyna baryp, kesheden qalǵan tamaqtardy al, sol jerden qarnyńdy toıdyr. Bul seniń ómirińdegi jegen eń jaqsy tamaq bolýy múmkin, HA-HA!»,- deıdi keketip...

Osy sátte Montero úshin aspan aınalyp, JERGE túskendeı kúı keshedi.

Sosyn ol eń alǵash ashqan ortalyǵyna barady. Bul meıramhanaǵa senimdi ári adal serigi, ári kómekshisi Tomasty otyrǵyzyp qoıǵandy. Tomas meıramhana ashylǵannan beri eń senimdi dosy, oń qoly edi.

Ol Tomastyń qasyna jaqyndap, «Meniń qarnym ashyp tur, alaqandaı bolsa da tamaq beresiz be?»,- deıdi jalynyp...

Tomas: «Bul jer saǵan arnalmaǵan, tek qaltaly adamdarǵa arnalǵan. Basqa jaqtan tamaǵyńdy toıdyr!», - dep kesip aıtady...

Montero: «Mende buryn baı boldym. Bıznesim bankrot bolyp, qazir osyndaı kúıge tústim. Osy meıramhanany qurǵan adam óte qaıyrymdy dep estigen edim».

Tomas: «Sen sııaqty bomjdarǵa oryn joq! Qaı qaıyrymdy bastyqty aıtyp otyrsyń? Bul meıramhana keıin meniki bolady, uqtyń ba?! Sosyn sen sııaqtylardy múldem jolatpaımyn!», - deıdi...

Montero kómekshisinen árıne bundaıdy kútpedi. Ashy óksik kómeıine tyǵyldy... Barlyq jerde bir jaǵdaı qaıtalana berdi((

Eń sońynda taǵy bir meıramhanasyna soqty. Baǵanaǵy jaǵdaılardyń 100% qaıtalanatynyna senimdi edi. Joooq, olaı bolmady.

Esikten kirgen Monterony admınıstrator óte sypaıy qarsy aldy. Montero qarny ashqanyn, tamaq jegisi keletinin, biraq aqshasy joq ekenin aıtty.

Admın: «Kúte turyńyz, oryn bosasyn. Bosaǵanda sizdi shaqyramyn, jaqsy ma?», - dedi.

Montero syrtta kútti. 1,5 saǵat kútken soń, ol sypaıy túrde meıramhanadan shyǵaryp jibergen ǵoı dep úmiti úzildi. Dál sol kezde ony ishke shaqyrdy. Ishke kirse, arnaıy ústel daıyndap qoıypty, ústi tolǵan tamaq!

Montero tamaq iship otqanda, admın qasyna kelip, óziniń basynan ótken oqıǵalarymen bólisedi.

«Esimim - Moheo. Osy jerde jumys istep jatqanyma 2 jyl boldy. Buryn tabysty kásipker boldym. Bári jaqsy bolyp kele jatqanda áıelim kólik apatynan qaıtys boldy. Odan keıin bankrot bolyp, ishimdikke salyndym. Úısiz qaldym. Birde qarnym ashyp, osy meıramhanaǵa keldim.

Meıramhana qojaıyny meni qýmady. Óte meıirimdi kisi. Tamaq berdi. Jumys berdi. Mine, kórip otyrsyz, adam bolyp kettim. Sizde erteń kelińiz. Bir jumysty qarastyraıyn. Jaǵdaıyńyzdy bilip, túsinip otyrmyn ǵoı», - dep jyly sózin aıaqtady...

Monteronyń esine tústi. 2 jyl buryn kómek surap kelgen bul jigitke qol ushyn sozǵan edi... Qaıyrymy bolǵany ǵoı!

Ertesi Montero jumysqa kelip, REVOLIýTsIIa jasady. Statýsqa qaraı sóılesetin qyzmetkerlermen qoshtasty. Tomasty shyǵaryp, ornyna Moheony qoıdy.

Iá, bul shyn máninde Ispanııada bolǵan oqıǵa.

 

Zarına ÁShIRBEK

 

Pіkіrler Kіrý